عمال المستشفى العام: 20 سنة شغل وأسطوانة "الصندوق فاضى" شغالة

دخل عدد من عمال مستشفى الفيوم العام في إضراب بسبب عدم تثبيتهم حتى الآن وعدم صرف مكافآتهم وعلاوتهم المتأخرة بدلاً من أساليب التهديد المتبع من قبل مدير المستشفى ووكيلة وزارة الصحة بالفيوم.
وتقول إحدى العاملات المضربات عن العمل نحن نطالب بأبسط حقوقنا كموظفين فى هذه الدولة، فنحن نطالب بالتثبيت وصرف كل حقوقنا المشروعة كعمال وذهبنا لوكيلة الوزارة ولم نحصل على شيء حتى الآن.
وأضاف أحد العمال المضربين عن العمل قائلاً: "عاوزين حد يحاول يحل مشكلتنا وكل واحد بيحمّل المسئولية على التانى ومش عارفين يحلوا مشكلة المؤقتين داخل المستشفى هما مستنين لما حد يقع ويموت وبعد كدة يحلوا مشكلتنا ومفيش حد عايز يجيب حقنا"
وأكد أن المسئولين شغالين علينا تهديدات علشان بنطالب بحقنا بيقولوا لنا هنكتب فيكم مذكرة إحنا لنا شغل ونحن نحصل على 600 جنيه فى الشهر وفاتحين بيوت ومش لاقيين ناكل ولا نشرب وكل واحد يكلمنا ومش عايز يحل ولكن يتم تهديدنا.
وناشدوا رئيس الجمهورية بالنظر إلى مشاكل الناس الغلابة اللى مش لاقية تاكل قائلين: "إحنا شغالين فى المستشفى منذ أكثر من عشرين عاما وكل ما نتكلم يقولوا لنا الصندوق فاضى".