اضراب عمال النظافة المؤقتين بحي شرق المنصورة للمطالبة بالتثبيت

نظم العشرات من عمال النظافة المؤقتين بحي شرق المنصورة صباح اليوم اضرابا عن العمل للمرة الخامسة للمطالبة بتثبيتهم وصرف بدل السفر وتطبيق حافز 200% وحافز الاثابة
حيث اكد العمال المضربون عن العمل وعددهم 350 عامل نظافة ان قرار الاضراب يلأتي احتجاجا علي ما قام له رئيس الحي عصام رجب من الاعتداء عليهم لألفاظ نابيه صباح اليوم عندما طالبوه بتنفيذ وعوده وتثبيتهم
وقال سالم محمود ' احد العمال المعتصمين ' ان رئيس الحي وجه اليهم اقذر الالفاظ والاهانات مؤكدا انه هيشغلهم بالقوة وان مفيش حد هيجبره علي حاجة ومفيش تثبيت لحد
واضاف سالم انا بشتغل في المهنة دي من 20 سنة ودخلي يا دوب 475 جنيه طيب هركب منهم ولا هاكل انا وولادي هنلبس ونتعالج منهم ده غير التعليم والدروس وتجهيز بناتي للجواز انا وزملائي ما بنطلبش حاجة كبيرة احنا عايزين نتثبت ونتساوي بزملائنا في المهن التانية وبعدين هيا الثورة مش بتنادي بحد ادني للاجور احنا عايزين الحد الادني ده مش اكتر
واكد صبري عبدالنعيم عن غضبه من تصرفات رئيس الحي مؤكدا انه لا يدفع شيئ من جيبة ولا مرتبتنا من بيته علشان يعمل معانا كده احنا كل اللي عايزينه العدل عايزين لما نتعب نلاقي فيه تأمين صحي يحمين واذا حصل لنا حاجة يكون لولادنا معاش يعيشوا منه عايزن العدل ده مزعل رئيس الحي في ايه
واشار احمد ابراهيم ان العمال لم يتركوا بابا الا وطرقوه فلقد ذهبنا الي التنظيم والادارة ووزارة التنمية المحلية والمحافظة الا اننتا لم نجد سوي وعود دون اي خطوات عملية لحل ازمتنا
وقد اكد العمال المضربون ان زملائهم في مراكز اجا وبلقاس وشربين سيدخلون في اضراب مفتوح عن العمل بدء من اليوم – الاربعاء – تضامانا مع عمال شرق المنصورة المضربون مهددين باضراب شامل لعمال النظافة في محافظة الدقهلية في حال عدم الاستجابة لطلاباتهم