مواطنون للنظام "هنسرق بعض عشان نعرف نعيش"

بعد غلاء الأسعار ..

"ارحمونا، الدنيا خربت، أحنا هناكل في بعضنا بسبب غلاء الأسعار اللي أحنا عايشين فيه، البطالة زادت، الناس هتسرق بعضها، والدنيا بتغلي كل مرة اكتر من الأول، المعاشات مش بتزيد، المرتب ثابت، الغلبان هو اللي متبهدل والأغنياء ولا في دماغهم".
كلمات رددها الموطنون وهم في حالة شديدة من الغضب والاستياء بسبب ارتفاع الأسعار والزيادة الباهظة التي تشهدها الأسواق في هذه الفترة.
حيث صرخت أم ملك، إحدي السيدات التي تقوم ببيع الخضراوات قائلاً: "مش قادرين نعيش ولا عارفين نبيع السوق حاله واقف مفيش بيع وشراء بسبب غلاء الأسعار، متابعة كل لما نروح نجيب حاجه من التجار نلاقيها زادت عن اليوم اللي قبله والشاري مظلوم والبايع مظلوم خلاص هنسرق عشان نقدر نأكل عيالنا".
وعلقت مواطنة أخري قائلاً: "تعبنا ارحمونا مش قادرين نستحمل الغلاء اللي أحنا فيه مبقتش أقدر اعمل أكل لعيالي بسبب غلاء الأسعار وتابعت حتي العيش مبقاش يكفي الطفل الصغير بسبب صغر حجم الرغيف".
وصرخت سيدة أخري قائلاً: "ربنا يسامح اللي غلي الأسعار علينا ياريت الريس يحس بالناس الغلابة اللي مش قادرة تعيش نفسنا نأكل اللحمة والفراخ مش قادرين نجبهم بسبب غلاءهم" وتابعت "إحنا ليل نهار بناكل فول عشان هو ده اللي قادرين نشتريه".
وأضافت مواطنة أخرى وعينيها مليئة بالدموع "ابني بيقولي ياماما نفسي أكل لحمه قلتلوا يابني معيش فلوس اجبهالك" وتابعت "ياريت الحكومة تحس بينا وبالي بيحصل لينا ده أحنا كده هنسرق وناكل في بعض ارحمونا الدنيا خربت".
شاهد الصور..
شاهد الفيديو..