م الآخر| رسالة إلى الوالي!

عزيزي الدكتور مرسي حضرتك مش هاترجع سدرة الحكم تاني وياريت عشان خاطر مصر تقول الكلام ده لانصارك اللي هما لحد النهاردة مقتنعين ان حضرتك راجع القصر ( والله اعلم بالغيب ).
فياريت وحقنا لدماء المصريين التي تسيل يوميا ان تخرج علينا شجاعا معترفنا بخطأك وخطأ جماعتك في حق مصر في العام الذي توليتم فيه الحكم ( لو حضرتك كنت توليت الحكم لوحدك كنّا وقفنا وراك ) بس للأسف حضرتك لم تكن الا صورة او واجهة لجماعة طمعت في حكم مصر وطمعت ان تظل عزبة خاصة بهم كما كانت في العهد القديم.
فأرجوك دكتور مرسي أرجو منك ان تخرج وتلقي خطابا او حتي رسالة اعتذار للجميع وحتي تحاول ان تمنع مايحاك علي مصر من مؤمرات قد تؤدي الي مصير الله اعلم بنهايته وقد يكون ذلك شافعا اليك يوما امام الله او في ذاكرة المصريين..
سيدي الرئيس السيسي، مصر مش هاتبقي قد الدنيا عشان احنا شعب بيستسهل ومصر مش هاتبقي نور عيونك عشان محطات الكهرباء كلها عطلانة، احنا شعب الفهلوة ياريس!.
سيادة المشير، ( لانك راجل عسكري فمصر في أشد الحاجة ألي الانضباط وأعادة الامور الي نصابها الصحيح وذلك لا يتوفر الي في ذاتك )، مصر محتاجة فعلا كلامك وافعالك بس ناقصها اكتر حاجة مهمة لتفعيل اقوالك.
محتاجة شعب ياريس يحس بالامان،، محتاجة شعب يعرف انهم سواسية امام القضاء كما هم سواسية امام الله.
شعب عايز ياخد حقه ويأكل رغيف مفهوش مسامير ولا يسكن في بيت ممكن يتهد عليه بكرا. شعب عايز يعلم عياله في مدارس خاصة مش مدارس من اللي المدرسيين فيها بيمصوا دم الأهالي.
مشهايدسهم قطر ولا كوبري هايقع بيهم ولاحتي قنبلة هاتنفجر فيهمشعب عايز يطمئن ان عياله لما يخرجوا الصبح من بيوتهم راجعين تاني.
سيادة الرئيس
الشعب طافح مرار ومراره طافح عليه، من رشاوي ومن محسوبية ومن كل حاجة، شعب نفسه يحس بالامان من اللي بيحكمه.
ياريس الشعب تعبان قوي، تعبانين من الزيادة وتعبانين من الغلاء.
نص الشعب ياريس صايع والنص التاني عايش في دنيا تاني.
سيدي الرئيس، انا عارف أني قولتها عشرين مرة بس نفسي تقرأ كلامي وكلام غيري، احنا شباب همه كله انه يطفش من البلد، كل همه ان يصحي بكرا يلاقي نفسه في بلد تانية، شباب تعبت من القاعدة علي القهاوي وتعبوا من قاعدة الرصيف.
ياريس والله ماعايزين نحوش ولا عايزين نعيش في قصر، احنا مطالبنا بسيطة وهي أن احنانعيش بني ادمين ليهم كرامتهم وليهم حريتهم..
لم الشعب حواليك عشان خاطر متبقاش نصفين، إدي الفقير حقه عشان هو اللي دايما مظلوم، افتح ببانك وشبابيكك شوف مصر من تحت مش من فوق الكوبري.
شوف مصر من بولاق والمرج والوراق ومتشفهاش من مصر الجديدة وبورتو مارينا.
سيدي الرئيس ( ودي المرة الاخيرة ) أنت قولت مصر للجميع أرجوك خاليها للجميع،، انت قولت مصر هاتبقي قد الدنيا، حاول وانسي كلامي، لم مصر حواليك إدي الفرصة لكل شاب وكل مصري اصيل، أرجوك اقرأ للشباب فهم مرآة الحقيقة التي قد لا تراها، طالع ارائهم، حاورهم وأستفيد من اندفاعهم وطاقتهم.
في ذلك الوقت الذي تفعل هذا، مصر هاتبقي قد الدنيا وسوف تصبح الزعيم الذي طالما حلم به الجميع.
اخيرا ومطلب يطالب بيه 75 مليون مصري أرجوك أقفل كل القنوات وخالي بس عندنا القناة الأولي والتانية والمحافظات عشان الناس ماتقعدش طول النهار والليل تتفرج علي ناس قابضيين ملايين بكلام فاضي مايسواش مالاليم.
.
كانت دامت لغيرك عشان تدوملك انت، هاييجي اليوم اللي هاتمشي فيه بس ساعتها هاتمشي بطل الناس تتحاكي وتحكي عنه ولا هاتمشي زيك زي اللي سبقوك؟، الإجابة عندك انت وحدك، فارجوك خليك بطل.