بالصور.. مواطنون ل"السيسى": "الشبعان مش بيحس بالجعان"

"حسبنا الله ونعم الوكيل، السيسي كل اللي معاها أغنياء، الشبعان مش بيحس بالجعان، فين العهد اللي أنت عهدتنا بيه يا سيسي"، هذه الكلمات صرخ بيها الموطنون وهم في أشد حالة من الغضب بسبب غلاء السلع التموينية عندما قامت كاميرا "المصريون" بمشاركتهم آرائهم وحالتهم عن تأثير غلاء الأسعار على الموطنين البسطاء.
قالت موطنة تدعى "سعاد محمد": "السكر ب7 جنيه وزجاجة الزيت ب15 جنيها ومكملتش كيلو عندي 5 عيال هنموت من الجوع وجوزي بيشتغل علي توك توك ويوم في فلوس ويوم لا".
وتابعت: "حتى العدس بتاع الغلبان حرمونا منه الكيلو وصل 36 جنيها أغلى من كيلو الفراغ البيضة دلوقتي اللي بياكل العدس الناس الأغنياء وفي آخر الحديث ووجهت كلمة لرئيس الجمهورية "ياريت تهدي علينا شوية عشان الناس تقدر تعيش زى ما كانت عايشه في عهد محمد مرسي".
وقالت سيدة أخرى تدعي "أمال إبراهيم": "جوزي متوفى وسيبلي 3 أولاد وكل يوم والتاني الأسعار تزيد نعمل إيه بس"، وتابعت: "المرتبات والمعاشات زي ما هي ومفيش زيادة غير في الأسعار نعيش إزاي نموت عشان نرتاح".
وعلقت مواطنة أخرى وهى تصرخ قائلة "حسبنا الله ونعم الوكيل فيك ربنا ينتقم منك يا سيسي أنت وكل اللي بيغلي الأسعار وتابعت مش حاسس بالشعب الغلابة مش قادرة تعيش كل حاجة غليت حتى العلاج زاد وتابعت فين العهد اللي عهدتنا بيه مفيش حد موافق على كل اللي أنت بتعمله ده غير الأغنياء والمبسوطين ماديًا وردد في آخر حدثها الشبعان مش بيحس بالجعان.
شاهد الصور: