«تحسه مهندس مساحة مش لاعب كورة».. ياسمين عز تتغزل في زيزو وتوجه نصيحة لصلاح قبل كأس العالم

هنأت الإعلامية ياسمين عز، منتخب مصر الأول لكرة القدم بالتأهل إلى كأس العالم 2026، والذي تستضيفه الولايات المتحدة الأمريكية وكندا والمكسيك.
وقال عز، في تعليق خلال برنامجها «كلام الناس»، عبر قناة «MBC MASR»، مساء الخميس: «مصر صعدت كأس العالم للمرة الرابعة في تاريخها، تعظيم سلام لكابتن حسام، وكل اللي اتقال إشاعات العميد ومو صلاح إخوات».
وأضافت: «لا تقولي إسبانيا ولا إنجلترا ولا البرازيل ولا الأرجنتين، إحنا المصريين مين عنده صلاح ومرموش وزيزو، زيزو عنده مسطرة في رجله الكرة بتطلع بالمقاس، تحسه مهندس مساحة مش لاعب كورة».
وتابعت: «لعبنا فرق صغيرة أو فرق كبيرة مش مهم، المهم إن إحنا صعدنا كأس العالم، طول عمرنا الفرق الصغيرة هي اللي بتطلعنا مش كأس العالم».
وأكملت عز: «المهم لازم نتعلم من أخطاء الماضي، إن إحنا مش رايحين كأس العالم نتفسح أو نعمل شوبينح، نركز في المباريات والمنتخبات اللي هتلاعبنا، ومنقولش هنتعادل مع أوروجواي ونكسب روسيا وماتش السعودية مضمون، خسرنا ال 3 ماتشات ورجعنا بزيرو نقط».
واستطردت: «إيه يعني لما يبقى هدفنا ناخد كأس العالم، المغرب وصلت نصف نهائي وإحنا قبلها كسبنا المغرب، يعني بلغة الأرقام كان وارد نصعد نهائي كأس العالم، وارد جدا».
وختمت: «نصيحة لمو صلاح، قبل كأس العالم ب 3 شهور ما تلعبش مع أي فرقة فيها راموس أو حد شبهه، رموس ده بيغير منك خلي بالك، وبينشن على كتفك، إحنا محتاجينك ومحتاجين كتفك، من غيرك ومن غير كتفك المنتخب كلوش طعم، انت ملح المنتخب خلي بالك، ربنا يوفقكم وإن شاء الله تجيبوا كأس العالم».
ياسمين عز: مصر صعدت كأس العالم.. تعظيم سلام لكابتن حسام.. وكل اللي اتقال اشاعات العميد ومو صلاح اخوات.. زيزو رجله مسطرة تحسه مهندس مساحة
مجانًا على شاهد
برنامج #كلام_الناس يعرض من الخميس – الأحد الساعة 6 مساءً بتوقيت القاهرة على #MBCMASR
لمتابعة البث المباشر… pic.twitter.com/T2ttRaWJPe
— MBC مصر (@mbcmasr) October 9، 2025