«أوعى تقول للاعيبة كده».. شوبير يوجه رسالة تحذير ل حسام حسن

وجه الإعلامي أحمد شوبير حارس مرمى الأهلي ومنتخب مصر السابق رسالة تحذير إلى حسام حسن المدير الفني لمنتخب مصر الأول لكرة القدم قبل مباراة بوركينا فاسو المرتقبة يوم 6 يونيو المقبل في تصفيات كأس العالم 2026.
وقال أحمد شوبير في تصريحات إذاعية صباح اليوم الخميس: «إمبارح كان أول تدريب لمنتخب مصر على استاد القاهرة الساعة 9 مساء محمد شريف دخل التدريب ومحمد صلاح هينضم يوم السبت اللي جاي وأحمد فتوح بيتعالج وربنا يشفيه ويعافيه، وخلاص الفيفا حدد يوم 10 يونيو الساعة 7 مساء موعدا لمباراة غينيا بيساو».
وتابع أحمد شوبير: «المطلوب الآن كل حاجة هيقولها حسام حسن فنيا هنقول له معاك هيلعب فلان في حراسة المرمى تمام هيلاعب فلان تمام مساندين تماما اللي عايز يدي إشارة بسيطة ويقول يا كابتن حسم ده مهم ولا ده كان بيشارك ماشي بس يكون بإسلوب جيد فقط وتوجيه والراجل هو براحته في النهاية».
وأوضح أحمد شوبير: «حسام جسن طبيعته بيحب يحس كل الناس بتشجعه وكل الناس عايزاه يكسب هي تجربة جديدة تجربة صعبة، وحسام كمان عايز الناس ما تستسهلش المباراة مع بوركينا فاسو، لأ يا كابتن حسام مش مستسهلين لكن احنا يا كابتن حسام أفضل كمنتخب وكأفراد وكدوري محلي وكلاعيبة لما تتكلم على لاعبين زي: الشناوي وشوبير ومحمد عبدالمنعم وأكرم توفيق وهاني وفتوح إحنا أفضل، هتقول لي هما محترفين لكن إحنا لاعبين جيدين، اه عندهم لاعيب بيلعب مع باير ليفركوزن بطل الدوري الألماني لكن أهم لاعب في فرقة بوركينا تراوري غائب».
وأضاف شوبير: «أنا مش بقلل من فريق بوركينا فاسو لكن مش عايزين نصور للناس إن المباراة صعبة جدًا وأنت يا كابتن حسام ما توصلش للاعبية كده الله يكرمك أه هما فرقة حلوة لكن إحنا أفضل وإحنا أقوي وإحنا نكسبهم».