شوبير يكشف واقعة لأول مرة جمعته مع الجوهري في منتخب مصر

كشف الإعلامي أحمد شوبير حارس مرمى الأهلي ومنتخب مصر السابق عن موقف حدث بينه وبين الجنرال محمود الجوهري المدير الفني الراحل لمنتخب مصر، وطريقة تعامله الرائعة مع اللاعبين حينما كان يتولى تدريب الفراعنة.
وقال أحمد شوبير في تصريحات إذاعية: «هقول لكم لكم سر لأول مرة أنا جيت فترة كده لقيت اهتزاز في المتسوى جالي وبعدين لقيت كابتن الجوهري بيكلمني في البيت بيقول لي أيه يا أبوحميد أخبارك عامل أيه، وقال لي أنت مش عاجبني أنت عندك مشاكل طب تعالى لي».
اقرأ أيضًا: «مش عايزين نقف لحسام على الواحدة».. تعليق شوبير على قائمة منتخب مصر
وتابع شوبير: «بعدها رحت له وقعدنا في نادي هليوبوليس اكلمت مع أيوبا بجد قولت له كل اللي جوايا، وكنت لسه متجوز وجاي لي مولود وعندي مشاكل بتاعة اللي لسه متجوزين فخلى زوجته تتكلم مع مراتي، والأمور بقت أفضل والحمد لله، ومن ساعتها حرم الكابتن الجوهري لا زالت على تواصل حتى اليوم مع مراتي».
وأضاف شوبير: «ومرة في البيت عنده لقيته بيقول لي: أيه يا شوبير أيه رأيك في اللاعب فلان واللاعب فلان، قلت له مان ما اعرفش يا كابتن هو كان عنده من الذكاء وفي الوقت ده قرر يضم كابتن ثابت البطل رحمة الله عليه وخاف أكون متأثر وأزعل فحب يجيبها لي من بعيد خاصة إني كنت الحارس الأساسي في الوقت ده واللي لعب مع المنتخب كل مباريات التصفيات».
وأوضح شوبير: «هو قرر إنه يضم كابتن ثابت البطل للمنتخب فحب ياخد رأيي قال رأيك أيه في أيمن شوقي، ورأيك أيه في هاني رمزي وخط الدفاع اللي قدامك، وبعدين قال لي شايف مين حراس كويسين كان ساعتها معانا خالد مصطفى وأيمن طاهر، ومجموعة حراس كثير جربهم، فقلت له يا كابت أنا شايف الكابتن ثابت البطل كويس قلت له يعني لو ضميت ثابت البطل مش هتزعل، قلت يا كابتن أنت خدت القرار أساسا، وهو عموام كان مش بياخد رأيي بس هو يعني حب يحسسني بنفسي شوية، فاداني اعتباري وخلاني ماشي من عنده مبسوط قوي».
واختتم شوبير: «هو ده المدرب اللي بيفكر صح وما دام حسام حسن بيقول إنه من مدرسة الجوهري رحمه الله فيجب عليه أن يتعامل مع اللاعبين بهذه الصورة».