«عايز حد يكذبني».. مجدي عبد الغني يهاجم مجلس الأهلي بسبب راتب ريبيرو

هاجم مجدي عبدالغني، نجم الأهلي السابق، مجلس إدارة القلعة الحمراء، بسبب الإسباني خوسيه ريبيرو المدير الفني للفريق طالبًا الإفصاح عن قيمة راتبه الحقيقي.
وقال مجدي عبدالغني في تصريحات تليفزيونية عبر برنامجه على قناة الشمس:«في كلام بقوة أن ريبيرو دا لو مظبطش نفسه هيمشي وهو دا كلام يا جماعة! الراجل لعب 4 مباريات رسمية منهم 3 في كأس العالم ومباراة في الدوري، وتعادل في مباراتين في كأس العالم وتعادل في الدوري«.
وأضاف: «ريبيرو، لعب خمسة مباريات ودية أيضا، وبيقبض 170 ألف دولار هو ومعاونيه في الشهر، هو بيأخد 130 منهم»..
وتابع:«النهاردة لما يبقي الراجل دا بيأخد 35 ألف دولار وانا أجيبه اديله لوحده 130 ألف دولار يبقي دا ايه، لو سمحتم أنا عايزة افهم دا إيه»
وأكمل:«لو سمحتم انا دلوقتي بتكلم عن الأندية المصرية كلها، ولازم يبقي في رقابة لأن مينفعش اجيب المدرب من جنوب أفريقيا بيقبض 35 وأقول أنا بديله 130 ومحدش يقولي دا حقيقي».
وواصل: «ماشي بياخد عشرة أو خمسة زيادة، لكن بياخد عشرين ضعف كدا، لا يبقي الفلوس بتروح في الأندية، إحنا لا بنشوف كرة ولا تكتيك ولا حاجة».
واختتم: «أنا عايز حد يرد عليا ويقولي دا تخاريف وانا هقوله حقك عليا، أنا عايز حد يقولي مرتبه كام، والله لو جه وحد صححلي المعلومة ودخل في المداخلة حالًا هقوله آسف إنما لا حد بيرد ولا حد بيعمل حاجة».