«مش عايزين نقول الأهلي اللي عملك».. تعليق ناري من طارق يحيى بشأن أزمة وسام أبوعلي

هاجم طارق يحيى نجم الزمالك السابق، تصرف الفلسطيني وسام أبوعلي لاعب الفريق الأول لكرة القدم بالنادي الأهلي بسبب ضغطه على الإدارة للرحيل خلال فترة الانتقالات الصيفية الجارية.
ويرغب وسام أبوعلي في الخروج من النادي الأهلي خلال الفترة الحالية في ظل تلقيه عدد كبير من العروض الخارجية بعد تألقه في بطولة كأس العالم للأندية.
وقال طارق يحي في تصريحات تلفزيونية عبر شاشة «إم بي سي مصر»: «بالنسبة لقصة وسام أي لاعب من حقه يختار مستقبله والمكان اللي هيروحه ومن حق الأهلي برضه يعمل اللي هو عايزه».
وتابع: «أصل فكرة لاعب يضغط على نادي دي جديدة خالص في مصر تحديدًا، ومفيش لاعب يقدر يعمل كدا مع نادي إداراته قوية، غير كدا اللاعب يعمل اللي هو عايزاه».
وأضاف: «مش عايزين نقول إن الأهلي له خير على وسام وهو اللى عمله، خاصة أنه بقا نجم كبير حاليا وعنده شعبية، بس لازم اللاعب يحترم قرارات النادي، ويجيب الرقم اللي ناديه طالبه وبعدين يمشي، معرفش يبقي خلاص هو ملزم يكمل».
وأكمل: «الزمالك جاله من سنة ونص في زيزو 6 مليون ورفض، يعني حتي لو المبلغ والعرض اللي وصل الأهلي مش قليل، بس ممكن الإدارة تبقي مش عايز تسيبه لأنهم تعبرا معه جدا والمدربين اشتغلوا عليه في البداية وتعبوا معاه، وزملائه ساعدوه وبالتالي القصة لازم يكون فيها مرونة وخُد وهات، الطرفين كبار واللاعب دلوقتي بقا له انياب لذلك الوصول لحل وسط محتاج حرفنة».