«إحساس مش سهل».. تعليق مؤثر من إمام عاشور بعد إصابته

علق إمام عاشور لاعب النادي الأهلي على إصابته التي تعرض لها في مباراة الفريق أمام إنتر ميامي، في المباراة الافتتاحية ببطولة كأس العالم والتي انتهت بالتعادل السلبي.
وأثبتت الفحوصات التي خضع لها اللاعب في مدينة ميامي الأمريكية إصابته بكسر في عظمة الترقوة وبالتالي غيابه عن مباريات الفريق المقبلة في بطولة كأس العالم للأندية.
وكتب إمام عاشور عبر ستوري إنستجرام: «ما قدر الله لك فهو آتٍ إليك، وما لم يقدره لك فلن يصيبك، الحمد لله على كل شيء الإصابة كانت صعبة وجت في أولى لحظات ليا في البطولة، وده قدر ربنا ولازم نرضى بيه».
وتابع: «كان نفسي أكون موجود وأقاتل مع إخواتي في الملعب، بس ده نصيبي ودلوقتي داخل اعمل العملية، وإن شاء الله أرجع أقوى، الإحساس اللي جوايا دلوقتي مش سهل، بس اللي مخليني ثابت هو إيماني بدعمكم ودعواتكم».
وأكمل: «المرحلة دي محتاجة منكم تبقوا ورا كل لاعب في الفريق، سواء قديم أو جديد، كلهم بيلعبوا بقلبهم وبيحبوا النادي وبيخافوا عليه صدقوني دعمكم بيفرق جدًا، واللعيبة مستنياكم زي ما دايما واقفين في ضهرنا».