شريف منير: «أسما بنتي تعبت معايا كتير وبعتبرها زي أمي» (فيديو)

تحدث الفنان شريف منير عن ابنته أسما، في عقد قرانها الذي احتفلت به على شاب من خارج الوسط الفني يدعى أحمد، إذ أشار إلى أن ابنته بذلت مجهودًا كبيرًا في حياتها وتهتم بكل من حولها.
وقال شريف منير في فيديو نشرته ابنته أسما عبر حسابها ب«إنستجرام» من عقد القران: «أسما تعبت وكافحت ووقفت جنبي كتير، وتعتبر أم لي، وهي اللي بتوجهني في حياتي».
View this post on Instagram
A post shared by Asma cherif moneer- اسما شريف منير (@asma.sherif.moneer)
وتابع شريف منير: «ونفسي جدًا إن أحمد ياخد باله منها، ويحافظ عليها ويحتويها وأنا في يوم هامشي، وعايز أبقى مطمن عليها، وأنا لما اتكلمت معاه حسيت إنه إنسان جميل جدًا، وأسما كلمتني عليه كتير».
ونشرت أسما صور عقد قرانها عبر حسابها الرسمي ب«إنستجرام»، وعلقت على الصور قائلةً: «الحاجات اللي اتعلمتها إني مفكرش في المستقبل، ولا إزاي أعمل حاجة وأعمل فرح كبير مبهرج وفي حاجات كتيرة قوي بالزيادة.. ولا حتى كنت عايزة أعمل أي حاجة من الحاجات دي بشكل شغل، إني مثلًا أعمل كولابوريشن أو حاجات».
وتابعت: «كنت عايزة إن أعمل حاجة أقدر عليها وتبقى في استطاعتي، وتبقى مبهجة، وفيها الناس القريبين مني قوي وأهلي.. وحبيت إن أعمله في بيتنا، وحبيت إن الفرحة تبقى دي أول حاجة موجودة في البيت.. حبيت إن أعمل ديكور بسيط، حبيت إن ألبس حاجة بسيطة، حبيت إن الصور تبقى متصورة من الموبايل عادي، صحابنا اللي مصورينا».
اقرأ أيضًا:
أسما شريف منير بعد زواجها: «أنصح البنات متفكرش في الماديات» (صور)