شاهد.. أسما شريف منير توجه رسالة لملحن تتر برنامجها "أنا وبنتي"

وجهت أسما شريف منير ابنه الفنان شريف منير، عبر حسابها الشخصي بموقع تبادل الصور والفيديوهات"إنستجرام"، رسالة لملحن تتر برنامجها " أنا وبنتي"، ومن المقرر أن تُذاع الحلقة الأولي من البرنامج يوم 25 أكتوبر في تمام الساعة 11 مساءً على On E، قائله:"من أحلي الحاجات اللي حصلت لي في تجربة برنامج انا و بنتي اني اتعرفت و كان ليا الشرف أن اغنية التتر تكون من ألحان فنان رهيب موهوب و كبير زي @ehab_abd_elwahed هقولكم ليه و ليه هي حاجة مهمه بالنسبالي.. المزيكا بالنسبة لي هي غذاء الروح و القلب طبعاً تيجي بعد سماع و قراءة القرآن الكريم".
وتابعت:"انا بحب المزيكا من و انا
طفلة مش فهمه حاجة و أبويا هو اللي حببني فيها كان بيحط سماعات علي بطن امي عشان يتواصل معايا بطريقته، و ده غذا فيا حاجات كتير، كان نفسي صوتي يكون حلو عشان الغنا هو اللي كنت ممكن اعبر بيه عن حزني و فرحي و اي احساس عايزه اعبر عنه أو لو كنت اتعلمت آله موسيقية كنت برضه هعرف أطلع طاقتي بيها بس للاسف معنديش الموهبتين دول عندي حاجة تانية و انا شايفاها مهمه برضوا و هي اني بعرف اسمع و احس المزيكا بجد،
علي فكرة تأثيرها عليا مش قليل خالص ، اي حاله انا بحسها في اغنية بتعبر عن احساسي ده و في اغاني تقدر تغير مودي و تخليني مليانة طاقة أو سعادة و كتير بتملاني طاقة حب، و هنا بقي يجي سبب فرحتي اني اشتغل مع شخص مليان كل الطاقات و الحالات دي".
واضافت :"هو اللي لحن اغنية طريقي ل شيرين عبد الوهاب..مهتمة بالتفاصيل ل اصالة..فاكر زمان ل انغام و شرنوبي، متاخدة من الايام ل شيرين.. و أعمال تانية كتير ل حسام حبيب و حماقي و غيرهم
ده غير أنه lead singer لفرقة بساطه".
واختمت :"حقيقي بشكرك و سعيده اني أديت اغنية من تلحينك دايماً ناجح و شخص لذيذ كده زي م انت".
View this post on Instagram
A post shared by Asma Sherif Moneer (@asma.sherif.moneer) on Oct 22, 2018 at 11:33am PDT