أسما شريف منير بعد زواجها: «أنصح البنات متفكرش في الماديات» (صور)

كشفت أسما شريف منير، عن الصور الأولى من عقد قرانها، إذ بدت سعيدة وظهرت في الصور هي ووالدها الفنان شريف منير، وزوجها وعائلته، وأشارت أنها أخذت وقتها في التفكير كي تأخذ قرارًا صحيحًا.
ونشرت أسما صور عقد قرانها عبر حسابها الرسمي ب«انستجرام»، وعلقت على الصور قائلةً: «الحاجات اللي اتعلمتها إني مفكرش في المستقبل، ولا إزاي أعمل حاجة وأعمل فرح كبير مبهرج وفي حاجات كتيرة قوي بالزيادة.. ولا حتى كنت عايزة أعمل أي حاجة من الحاجات دي بشكل شغل، إني مثلًا أعمل كولابوريشن أو حاجات».
وتابعت: «كنت عايزة إن أعمل حاجة أقدر عليها وتبقى في استطاعتي، وتبقى مبهجة، وفيها الناس القرايبين مني قوي وأهلي.. وحبيت إن أعمله في بيتنا، وحبيت إن الفرحه تبقى دي أول حاجة موجودة في البيت.. حبيت إن أعمل ديكور بسيط، حبيت إن ألبس حاجة بسيطة، حبيت إن الصور تبقى متصورة من الموبايل عادي، صحابنا اللي مصورنا».
View this post on Instagram
A post shared by Asma cherif moneer - اسما شريف منير (@asma.sherif.moneer)
وأضافت: «إحنا اللي عملنا الديكور بتاع المكان بإدينا، وإحنا اللي عاملين كل حاجة في البيت بإدينا.. والإحساس ده حسسني إن كل حاجة إحنا بنعملها فا في تفصيلة بتفكرنا بحاجة، وكل تنشنة وكل خناقة وكل حاجة في الدنيا كانت في الآخر وصلتنا للحاجة الحلوة اللي حصلت النهاردة.. أنا ممتنة جدًا لكل الناس اللي كانت معايا وحواليا وساعدتني».
وتابعت: «وعايزة أقول إن أنا مبسوطة برضو بإني مجرد إني أعلنت إن أنا هتجوز.. حسيت قد إيه إن فيه ناس كتير كانت بتابعني من زمان وعارفة إن أنا بتكلم من قلبي.. فالناس دي بعتت لي فرحانين من قلبهم ليا كأني أختهم أو صاحبتهم، وده بيأثر فيا جداً لأني بحس إن الناس اللي بيطلع من قلبي بيوصل لهم».
واختتمت أسما منشورها قائلةً: «والكابشن دي عشان كنت عايزة إنه بنات كتير تفكر وهي بتتجوز ما تفكرش في الماديات وفي الفستان يبقى منين وفرحي فين وقد إيه هو كبير أو مبهرج.. على قد ما تفكر هي بتختار مين ومعاها إيه. ويمكن الاختيار ده جالي بعد تجارب صعبة عدت فيها.. وأتمنى إن يبقى حسن الاختيار.. وبحبكوا قوي».
اقرأ أيضًا:
«سندي وضهري» أسما شريف منير توجه رسالة لوالدها
«اتعاملت مع الADHD بتاعي».. أسما شريف منير تكشف 25 درسًا من 2024