«ياعم اعتمد على نفسك».. رسالة نارية من سيد عبدالحفيظ على تضامن الزمالك مع بيراميدز

تحدث سيد عبدالحفيظ نجم النادي الأهلي السابق، عن رأيه حال تضامن نادي الزمالك مع بيراميدز، ضد الأهلي بعد قرار المحكمة الرياضية الدولية «كاس» برفض نظر الشكوى المقدمة من السماوي بإجراءات استثنائية.
كان بيراميدز تقدم بتظلم إلى المحكمة الرياضية الدولية بسبب عدم خصم 3 نقاط من النادي الأهلي على إثر أزمة عدم حضوره مباراة القمة أمام الزمالك في الدوري.
وقال سيد عبدالحفيظ في تصريح تليفزيوني عبر شاشة «إم بي سي مصر 2»: «معنديش مشكلة خالص إن الزمالك يتضامن مع بيراميدز، هو حر وده قراره وبيشوف مصلحته ومش بعترض على فرقه تعمل توأمه مع أخرى، عشان كدة أنا بقول دايمًا للأهلي شوف مصلحتك، محدش هيعجبه أي موقف ليك».
وأضاف: «الزمالك ماشي بمبدأ انا هعتمد عليك السنادي أوعى تخذلني، طب ياعم ما تعتمد على نفسك، في النهاية احنا مستنين قرار الكل هيسلم بيه، ورسالتي للأهلي شوف اللي صالحك فيه كل السنين واللي تقدر تجيبه هاته».