«خبرات الأهلي ترجح كفته».. تعليق مثير من سيد عبدالحفيظ على السوبر المصري

علق سيد عبدالحفيظ، مدير الكرة السابق بالنادي الأهلي، على بطولة السوبر المصري، ومن المرشح الأقرب لنيل اللقب بين الفرق الأربعة.
وقال عبدالحفيظ في تصريحات تليفزيونية عبر شاشة «إم بي سي مصر 2»: «أنا شايفه أنه سوبر ضد المجهول، متقدرش تحلف أوي على عكس السنين اللي فاتت، حتى لو الأهلي والزمالك بيلاعبوا بعض كان بيبقى في نسب أقوى من نسب».
وأضاف: «المستوى اللي ظهر بيه الأهلي والزمالك مهما كان تشجيعهم وانتمائهم، خلى الناس متخوفين من الأداء الفني، بسبب مباراة السوبر الإفريقي الأخيرة».
وواصل نجم الأهلي السابق: «المستوى الفني للأهلي والزمالك في المباراة الأخيرة مكنش أحسن حاجة، مع الوضع في الاعتبار أن الزمالك كان لديه الأفضلية من حيث الروح والإصرار وردة الفعل».
وزاد: «الأهلي والزمالك لو ظهور بنفس مستوى مستوى السوبر الإفريقي أمام سيراميكا وبيراميدز، الأمر هيكون صعب أوي ومش هيبقى ليهم أفضلية».
وأكمل سيد عبدالحفيظ: «الحظوظ بالنسبة للسوبر المصري متساوية للفرق الأربعة، رغم فارق الخبرات بين الفرقة والتانية، الأهلي واخد آخر 3 سوبر في الفترة اللي فاتت».
ونوه: «الزمالك منتشي وطالع بفرحة كبيرة، على أمل يحط رجل في طريق العودة للبطولات، وطمأن جماهيره بل وفي ثقة ودعم وهو منتصر، بينما الأهلي عايز يرجع للخط المستقيم بتاعه بتاع السنة اللي فاتت».
وأشار إلى أن فريق سيراميكا لحد دلوقتي مش عارفين لسه مستواه هيبقى عامل إزاي، في لعيبة كتيرة خرجت ودخلت، ومباريات الأهلي وسيراميكا دايما بتكون قوية وكبيرة والسوبر المصري الماضي انتهى في الثواني الأخيرة للأهلي.
واستطرد: مباراة الزمالك وبيراميدز صعبة جدًا وغير متوقعة، رغم أن جمهور الأبيض بيقول كعبنا عالي على السماوي، ولكن آخر 3 مباريات انتهت جميعهم بالتعادل ومباراة الكأس خلصت بضربات الجزاء.
وأتم: «ما يميز السوبر المصري، أن الفرق الأربعة جميعهم عندهم هوية هجومية وده هيخلينا نستمتع، وإن شاء الأهلي هيكون المتوج باللقب ويرجع بالسوبر المصري يوم 24 الجاري».