«لو مكانك اختفي».. رسالة نارية من ميدو ل إمام عاشور (فيديو)

وجه أحمد حسام ميدو، نجم نادي الزمالك ومنتخب مصر السابق، رسالة هامة ل إمام عاشور نجم النادي الأهلي، بشأن مستواه مع الفريق خلال الفترة الماضية.
وقال ميدو في تصريحات تليفزيونية عبر شاشة «أون تايم سبورتس»: «إمام عاشور على المستوى البدني أقل كتير، والسنة اللي فاتت كان أقوى، ميزة إمام كانت أنه اللعيب الوحيد في مصر بمركز وسط الملعب اللي بيعرف ياخد الكرة ويجري 30 ياردة».
وأضاف: «الجاهزية البدنية اللي عنده كانت بتخليه يعمل مجهود كبير ويصوب من بعيد، ودي بتقل لما المستوى الذهني مبيقاش صافي ومركز».
وأكمل نجم الزمالك السابق: «عندنا العقلية زي محمد صلاح راجل وصل أنه هداف روما الإيطالي ومش عاجبه، لأ عايز يطور من نفسه ويبقى أحسن كمان، ويشوف العيوب اللي عنده ويحسنها، ويبقى أقوى في إنهاء الهجمات».
وزاد: «تفسيري ل تراجع مستوى إمام عاشور، هي الضجة اللي حصلت عند التعاقد معه، وده طبيعي من النادي الأهلي أنه يفوقه، وده اللي لازم يوصل ل دماغ إمام عاشور».
وأردف: «لو أنا مكان إمام عاشور اختفي، ومنزلش ولا صورة ولا فيديو ليا إلا لما أكسب فرقتي يوم 20 أكتوبر أمام فريق سيراميكا كليوباترا».
وأتم ميدو تصريحاته قائلًا: «نصيحتي ليه أنه يختفي ويشتغل على نفسه وينام كويس ويركز كويس عشان يرجع لمستواه مع الأهلي في بطولة السوبر المصري».