«مجرد ما نحلها هنبقى في حتة تانية».. السيسي يتحدث عن مشكلة مصر الآن (فيديو)

تحدث الرئيس عبدالفتاح السيسي عن أزمة نقص الدولار، على هامش احتفالات عيد الشرطة، مساء الأربعاء.
وقال الرئيس: «كل ما عددنا بيزيد وإنتاجنا في الريف بيقل بيكون فيه طلب على تلبية الفارق من الخارج».
وشرح: «كان القمح ممكن يكفينا مبقاش يكفينا، الذرة كانت ممكن تكفينا مبقتش تكفينا، كانت فيه منتجات تكفينا زي اللحوم والدواجن والبيض دلوقتي مبقتش تكفينا، بنتكلم على طلبات 110 مليون نسمة كل يوم عايزين إيه، هدفنا زيادة قدرتنا وخيرنا».
وأكمل: «المعركة مش ضد الدولار ولكن ضد نقص الدولار، وهي دي الحكاية ببساطة في مصر».
وعن حلول الأزمة قال: «كل اللي بيتكلم في الاقتصاد يقول عندي الروشتة الطبية وعندي حلول وأفكار، أنا معاك وأي حل ومقترح إحنا بنشوفه لإن إحنا أصحاب مصلحة لحل أي مسألة، ومجرد إن ربنا يوفقنا في حلها هنبقى في حتة تانية».
وكشف: «نحاول تقليل فاتورة الاستيراد ولو فيه فرصة أنتج وأصدر أصدر، محتاج أنهى الطلب بتاع الدولار من برة وده هدف استراتيجي للدولة لتصفير الفرق ما بين طلبنا للدولار وإنفاقنا للدولار».