سيدة أمام محكمة الأسرة: «عرفت أنه اتجوز من مواقع التواصل الاجتماعي ولما واجهته طلب ياخد الشقة»

«بنتى لقيته رافع صور على موقع التواصل الإجتماعي مع سيدة وكاتب عليها أحلى زوجة في الدنيا، فواجهته بالصور فلم ينفي، وقالى أه اتجوزت عليكي» ،بهذه العبارة بدأت سيدة ثلاثينية أمام محكمة الأسرة تروى أسباب إقامتها دعوى طلاق للضرر ضد زوجها .
وأقرأ أيضا: سيدة أمام محكمة الأسرة: «عمل فيّا حاجة غريبة لما فكرت أعمل تمكين من مسكن الزوجية»
قالت المدعية أمام محكمة الأسرة: «بعد 14سنة زواج خان العشرة واتجوز على في السر بفلوسي ،قبل شهور قالى إنه هيعمل مشروع ومحتاج مبلغ مالي ،فبيعت كل مشغولاتي الذهبية واعطيته ثمنها ،ولم أدرك بأن المشروع زواجه تانية» .
وأقرأ أيضا: «مش عارفة بيفكر فيا ليه بعد جوازه!».. سيدة أمام محكمة الأسرة: «بيدعي إني بكلم الرجالة في مركز الشباب!»
وتابعت المدعية أمام محكمة الأسرة: «عندما علمت بزواجه ،تعامل معايا بكل بجاحة وقالي طالما إنك عرفتي يبقى مراتي الجديدة ما تقعدش في شقة إيجار، دي اللى هتجبلي الولد اللى هيشيل اسمي ،وطلب منى ترك مسكن الزوجية أنا وابنتيه عشان يجيب زوجته التانية فيها، فعملت تمكين من مسكن الزوجية، لكنه صدر القرار بأن التمكين بالمناصفة لكونى مازالت على ذمته».
وأقرأ أيضا:سيدة أمام محكمة الأسرة: «رجل غريب طرق عليّ باب شقتي وطلب مني حاجة صدمتني والسبب جوزي»
سيدة أمام محكمة الأسرة :«قالى ياعاجرة ياللى مجبتيش ولد»
وذكرت :«معاملة سيئة وإهانات مستمرة، وعمال يسخر مني ويقولى يا عاجزة يااللى مجبتيش ولد، المشاكل تطورت إلى محاولة طردى من شقتى لكنني تصديت له وحررت محضر ضده بعدم التعدي».
وذكرت المدعية: «طلبت منه الطلاق إلا إنه رفض، وقالى ملكيش حقوق عندى، لو عايزة تطلقي أبرينى».
وبعد تقديم المدعية قيد عائلي أفاد زواج من أخرى، قضت المحكمة بتطليقها طلقة باينة.