بعد محاولات إنهاء الخلاف بينهما.. ويجز يعلق : «رامي صبري زي ابني»

رد مطرب الراب ويجز على تعليق الشاعر الغنائي تامر حسين على الأزمة التي حدثت بينه وبين الفنان رامي صبري، إذ وصف ويجز رامي صبري بأنه مثل نجله، وأنه شعر أن «رامي» يجامل (على حد وصفه) خلال تصريحاته ببرنامج «حبر سري».
وكتب تامر حسين، عبر حسابه الرسمي على «فيسبوك»: «شهادتى فيك مجروحة أنت صوت عبقرى مش محتاج رأيى وخطواتك ما شاء الله، لطريق النجاح بتكبر وتزيد وكل سنة عندك هي ناجح ومكسر الدنيا ولسه شايف ترتيب أنغامى أنت رقم 2 في الاستماع بعد الهضبة البوم مكانك وفى الصدارة».
وأضاف: «تصريح مش موفق مِن ويجز رغم إنى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط إنما الأرقام اللى قالها مش أرقامك ولا الطريقة مُناسبه وإنت الكبير يا روما».
واختتم: «ويجز لو يعرف إنت أول واحد باعتلى أغنية البخت وبتقولى الراجل ده عنده حاجة مختلفة مكنش هيزعل كده ودى شهادة حق والله».
رامي صبري يرد على تامر حسين
ليرد عليه رامي صبري عبر حسابه على «فيسبوك»: «حبيبي تامر حسين الشاعر الكبير العظيم شكرا على كلامك الجميل اللي زيك، ويجز أخويا الصغير وأنا مسامحه وحصل خير».
ويجز: «رامي صبري زي ابني وكان بيجامل من ورا قلبه»
ورد ويجز على تامر حسين حسين قائلًا: «حصل خير يا جماعة رامي صبري ده زي ابني بالظبط وهو شطور وقمور ومجتهد أنا بس في اللقاء كنت حاسه كدة بيجامل من ورا قلبه عشان الجمهور ميغلطهوش وفرق اجيال بقي مش بفهم حاجة منه خالص ف تلاقيني مخدتش بالي».
لكن سرعان ما حذف ويجز منشوره بعد تعرضه لهجوم شديد من قبل متابعيه، إذ راحوا تصرف ويجز لا يقلق خاصة بعد محاولة تامر حسين ورامي صبري إنهاء الخلاف، ومن ثم نشر ويجز تعليق رامي صبري على منشور تامر حسين وعلق عبر حسابه على إنستجرام: «سامحتني قبل ما أعتذر، أخلاق ملاك، بجد أحرجتني بأدبك، حصل خير يا رامي وبعدين أخوك الصغير إيه، أنت عجزت؟ أنت لسه صغير أوي.. بالتوفيق يا مجتهد يا شاطر».
اقرأ أيضًا:
بعد هجوم ويجز.. تامر حسين يتدخل ورامي صبري يرد: «أخويا الصغير وأنا مسامحه»
بعد تصريح ويجز «أنت رقم 19».. رامي صبري يرد برسالة قوي
«أنت رقم 19».. خلاف ويجز ورامي صبري يشتعل مجددًا