رامى صبرى ينهى خلافه مع ويجز.. ماذا حدث ؟

انتهى خلاف الفنان رامى صبرى مع الفنان ويجز وذلك بعد تعليق الشاعر تامر حسين عبر صفحته على موقع التواصل الاجتماعى فيسبوك.
وعلق رامى صبرى على منشور تامر حسين قائلا : "حبيبى تامر حسين الشاعر الكبير العظيم شكرا على كلامك الجميل اللى زيك ويجز اخويا الصغير وأنا مسامحه وحصل خير".
وكان تامر حسين قد وجه رسالة الى رامى صبرى قائلا : "شهادتي فيك مجروحة أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنة عندك هيت ناجح ومكسر الدنيا ولسة شايف ترتيب أنغامي أنت رقم 2 في الاستماع بعد الهضبة ألبوم مكانك وفي الصدارة".
وتابع، "تصريح مش موفق مِن ويجز رغم إن شفت له أكتر من لقاء كان راجل مُثقف ومُهذب جايز يكون واخد على خاطره أو فِهم كلامك غلط، إنما الأرقام اللى قالها مش أرقامك ولا الطريقة مُناسبة وأنت الكبير يا روما.. ويجز لو يعرف إنت أول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دي شهادة حق والله".
نور إيهاب تحسم الجدل حول انفصالها عن خطيبها بعد عامين
فقدت بصرى.. فنان شهير يروى معاناته مع المرض بعد مرور 4 شهور
زوجة رامى صبرى توجه رسالة الى ويجز
ونشرت زوجة رامى صبرى جزءًا من حديث رامي عبر حسابها على إنستجرام وعلقت وكتبت، "ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولاً رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش اي مانع يخلي رامي لما يتسأل سؤال ميجاوبش وثانيا رامي صبري ده يا حضرت فنان من أهم الفنانين فى الوطن العربى ومن أهم الأصوات ده لو حضرتك مش معانا في مجال المزيكا وبعدين والله يا ريت رامى عنده الوقت بتاع حضرتك الفاضى اوى بتاع 5 شهور فاضى يا ريت كنا نتمنى".
وتابعت، أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيراً لما تحب تعمل داعية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك.
وتفاعل عدد كبير من متابعي شيرين على المنشور خاصة وأنها دعمت زوجها بقوة في الموقف الأخير مع ويجز خاصة وأنه لم يتعدى بالقول على أحد ولم يقصد الإساءة إلى أحد.