في الخارج.. رامى صبرى يعتذر عن حضور عزاء محمد رحيم

منذ ساعات قليلة اعتذر الفنان رامى صبرى عن عدم حضوره عزاء الملحن الراحل محمد رحيم الذى من المقرر أن يقام اليوم طبقا لما أعلنت عنه أرملته أنوسة كوتة.
وقال رامى صبرى عبر حسابه على موقع التواصل الاجتماعى تويتر : "بعتذر عن عدم وجودي في عزاء أخي وحبيبي الفنان الكبير محمد_رحيم لارتباطي خارج مصر .. بعزي زوجته وأولاده وأخوه طاهر..اللّٰه يصبرنا جميعاً رحيم كان غالي أوي ووفاته صدمة كبيرة اللّٰه يرحمه ويغفرله".
اقرأأيضا| «أنت مش على الخريطة».. زوجة رامي صبري تفتح النار على ويجز
أزمة رامى صبرى مع ويجز
ومن ناحية أخرى ردت شيرين عادل زوجة رامي صبري على الهجوم الكبير الذي قام به ويجز على رامي صبري بعد تصريحاته الأخيرة في أحد البرامج التليفزيونية.
ونشرت زوجة رامى صبرى جزءًا من حديث رامي عبر حسابها على إنستجرام وعلقت وكتبت، "ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولاً رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش اي مانع يخلي رامي لما يتسأل سؤال ميجاوبش وثانيا رامي صبري ده يا حضرت فنان من أهم الفنانين فى الوطن العربى ومن أهم الأصوات ده لو حضرتك مش معانا في مجال المزيكا وبعدين والله يا ريت رامى عنده الوقت بتاع حضرتك الفاضى اوى بتاع 5 شهور فاضى يا ريت كنا نتمنى".
وتابعت، أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيراً لما تحب تعمل داعية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك.
وتفاعل عدد كبير من متابعي شيرين على المنشور خاصة وأنها دعمت زوجها بقوة في الموقف الأخير مع ويجز خاصة وأنه لم يتعدى بالقول على أحد ولم يقصد الإساءة إلى أحد.