«أنت مش علي الخريطة».. زوجة رامي صبري تدافع عنه بعد هجوم ويجز عليه

تدخلت شيرين عادل زوجة الفنان رامي صبري على خط الأزمة التي جمعت زوجها بمغني الراب ويجز وقررت الدفاع عن زوجها بعد هجوم الأخير عليه.
ونشرت زوجة رامي صبري جزء من اللقاء الإعلامي لزوجها عبر صفحتها الشخصية على انستجرام وعلقت قائلة :«ده جزء من الحلقة اللى رامى أتكلم فيها عن الراب» وأضافت:« ومن هنا ورايح مش هسكت وهرد على اى حد يفكر يتكلم عنة تانى بأي طريقة مش عجباني».
وتابعت قائلة :«أولاً رامى اتسال سؤال فى برنامج ورد وعنده كل الصلاحية لاي رد أو إجابة على أي سؤال يعنى مفيش اي مانع يخلي رامى لما يتسأل سؤال ميجوابش» مستكملة :«ثانيا رامى صبرى ده !! يا حضرت فنان من أهم الفنانين فى الوطن العربي ومن اهم الأصوات دة لو حضرتك مش معانا فى مجال المزيكا».
وأضافت:« وبعدين والله يا ريت رامي عنده الوقت بتاع حضرتك الفاضي اوى بتاع 5 شهور فاضي يا ريت كنا نتمنى ..اما بقى موضوع رامى رقم كام ده هو الحقيقة مش شاغل بال رامى اوى بس لو حضرتك شايف ان رامى رقم 19 مع الأسف الشديد لازم أقول لحضرتك تبقى انت مش موجود عل الخريطة من الأساس».
View this post on Instagram
A post shared by Shery Adel (@sheryadel77)
إقرأ ايضا: بعد تصريحاته عن مغنيين الراب.. رامي صبري في مرمى هجوم ويجز وتووليت
واستكملت هجومها قائلة :«أغنية واحدة من رامي صبري بس تعمل تاريخ لناس ... محتاج تذاكر كويس وتعرف انت بتتكلم عن مين قبل ما تتكلم لأنك واضح انك عندك شغل تانى غير المزيكا لأنك لو جوا الشغلانة كنت مش هتقول ولا كلمة من الكلام ده علشان الناس متضحكش عليك لأنك اتكلمت عن فنان بجد مش جاي يهزر».
واختتم حديثها قائلة :«واخيراً لما تحب تعمل داعية لأغنيتك الجديدة ابعد عن إسم رامي صبري أنا عرفة ان اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك».
بداية الأزمة
وكان الأزمة بدأت بهجوم رامي صبري في لقاء إعلامي له على مغنيين الراب مشيرا إلى أنه ليس ضد نجاح أي شخص ولكنه لا يفهم كلمات أغاني ويجز.
هجوم ويجز
ونشر ويجز فيديو له عبر خاصية استوري على صفحته الشخصية على انستجرام هاجم فيه رامي صبري قائلا :« هتكلم على فنان فاكر إن عنده صلاحية يتكلم على أي حد والناس تسمع وتسكت.. الفنان دا اسمه رامي» مضيفا :«رامي كل ما يقعد 4 أو 5 شهور يزهق يطلع يتكلم على بتوع الراب والهيب هوب».
وتابع قائلا :«هتتكلم امتي على فنك ومجالك وبتوع البوب اللي أنت منهم؟..انت متفهمش في الراب حاجة زي ما قولت قبل كدا فمش هتعرف تعمله.. لو لقيت واحد بيعرف يسوق عجلة وأنا مش بعرف فهحترمه لو حد بيعمل حاجة وانا مش بعرف اعملها هحترمه».
واختتم هجومه قائلا:«أنت مش بتقدر الفنانين دول.. أنت شايفهم انهم عاوزين يوصلوا في ليفل أنت فيه في حين أنهم معدينك.. أنت مش رقم 2 يا رامي أنت رقم 19 بعيد اوي بجد».