«مش هديك أكبر من حجمك وسلط عليا ناس تشتمني».. إبراهيم سعيد يفتح النار على زيزو

فتح إبراهيم سعيد، نجم الأهلي والزمالك السابق، النار، على أحمد زيزو، لاعب منتخب مصر ونجم الأبيض، بعد ظهوره المتراجع أمام موريتانيا.
وفاز منتخب مصر على نظيره موريتانيا، أمس الجمعة، لحساب الجولة الثالثة من التصفيات المؤهلة لكأس العالم 2026، بهدفين دون رد.
وانتقد إبراهيم سعيد بالأمس، خلال تصريحات عبر قناة «النهار»، زيزو، بسبب المستوى الذي ظهر به، ليتلقى الأول هجومًا عبر حساباته على منصات التواصل الاجتماعي.
ونشر إبراهيم سعيد عبر «إكس»، مقطع فيديو رد خلاله على الهجوم عليه بسبب زيزو، قائلًا: «لاعب قليل إمكانياته في الدوري المصري، تعالى اتفرج عليه في المنتخب. لاعب محلي يثبت لي وجوده في الملعب، لعب 43 مباراة ملعبش ماتش عدل، لاعب قليل جدًا».
وأضاف: «واحد بيلعب مع المنتخب مبيعملش حاجة، المفروض الكورة اتطورت، واحد يعمل أوفر الدفاع يتلغبط يقولك أسيست، دي ولا ليها علاقة بالكورة».
وأكمل: «هتكلم براحتي واللي عايز أقوله هقوله، بتكلم في الكورة محدش ليه دخل، إنتوا بقى تقعدوا تشتموا، هو يسلط عليا صفحات، مبيمشيش معايا، لو لاعب كويس هقول لاعب كويس لو وحش هقول وحش، اللاعيبة كلها شبه بعض».
وزاد: «أنا مليش دخل أهلي وزمالك، أنا بتكلم عن منتخب مصر، اتكملت على لاعب تايه في الملعب، يرجع الكورة، يلعب الكورة على الجنب، وطالع كمان مقموص».
وأتم: «سيبك من المطبلاتية اللي حواليك، هتقعد تبعتلي ناس تشتم ولا فارقة، أنا اسمي إبراهيم سعيد، عارف يعني إيه ولا مش عارف، كويس في الملعب هشيد بيك، مش كويس مش هديلك أكبر من حجمك».