«جوزي عاتب الجيران على رمي القمامة».. ماذا قالت زوجة صاحب «ماركت الوراق» عن اللحظات الأخيرة في حياته؟

طلت من شرفتها على صراخ في الشارع، كان الضحية زوجها (وليد)، إذ يعتدي عليه اثنين من الجيران- أولاد عمومة- بمعاونة قريبهما «ثالث»، بالضرب وأحدهم سدد له طعنات عدة بسلاح أبيض، هكذا رأت منار جميل، ربة منزل، اللحظات الأخيرة في حياة «أبوالعيال»، صاحب سوبر ماركت في منطقة الوراق بالجيزة، وقالت في تحقيقات النيابة العامة إن جارهم الذي أنهى حياة الزوج تشاجر معه، بسبب «عتاب جوزى له على رمى القمامة أمام المحل.
النيابة، استدعت زوجة المجني عليه، وبدأت في سؤالها: ما معلوماتك بشأن الواقعة محل التحقيق؟
ج: «اللي حصل إني كنت في بيتي، وجوزي (وليد) عنده سوبر ماركت تحت البيت وأنا حوالي الساعة 10:00 مساءً سمعت صوت خناقة وصويت طلعت من البلكونة أشوف في إيه لقيت (وليد) جوزي بينزف دم من جنبه، والناس ملموين حواليه وشوفت (عصام) ماسك سكينة كبيرة في إيده وعاوز يضربه تاني، لكن الناس كانت متجمعة وحاشت عن جوزي، روحت نزلت جري لقيت الجيران أخدت جوزي وطلعت بيه على مستشفى الوراق، وأنا روحت جري على على المستشفى ولما وصلت المستشفى عرفت إن جوزي دخل العناية المركزة».
وأضافت: «وبعد كده عرفت إنه توفى ولما سألت عن سبب المشكلة الناس اللي كانوا موجودين قالولي، إن جوزي (وليد) كان بيعاتب (عصام) علشان رمى الزبالة قدام المحل بتاعه راح (عصام) جاب (مطواة) وضربه بيها كذا ضربه، وضرب اللي شغالين معاه في المحل، بس أنا معرفش أساميهم وبرضوا نقلوهم على المستشفى، لأنهم متعورين وده كل اللي أعرفه».
س: متى وأين حدث ذلك؟
ج: الكلام ده حصل بالليل قدام البيت بتاعي اللي في مدينة السادات.
س: من كان برفقتك آنذاك؟
ج: أنا كنت في البيت، والجيران وأهلي اللي معايا في العمارة.
س: كيف نمى إلى علمك بالواقعة؟
ج: أنا سمعت صوت الخناقة، طلعت من البلكونة علشان أشوف اللي حصل.
س: ما التصرف الذي بدر منك آنذاك؟
ج: أنا نزلت أشوف فيه إيه.
س: ما الذي أبصرتيه آنذاك تحديدًا؟
ج: أنا أول ما شوفت جوزي (وليد) بينزف دم من جنبه، والناس ملمومين عليه وشوفت وقت (عصام) ماسك سكينة كبيرة في إيده، وعاوز يضربه تاني لكن الناس كانت متجمعه وحاشت عن جوزي، نزلت جري من العمارة لكن لقيت الأهالي أخدوه وطلعوا بيه على مستشفى الوراق.
س: وهل من حوار دار فيما بين المجني عليه وأيًا من المشكو في حقهم آنذاك؟
ج: معرفتش أنا أول ما سمعت صوت خناقة، طلعت أشوف فيه إيه لقيت (وليد) جوزي بينزف دم من جنبه والناس ملمومين عليه، وشوفت (عصام) ماسك سكينة كبيرة في إيده وعاوز يضربه تاني، لكن الناس كانت متجمعه وحاشت عن جوزي.
س: وما هي كيفية حدوث إصابة المتوفى وليد ممدوح أنور راغب والتي أدت لوفاته؟
ج: أنا مشوفتش اللي حصل بالضبط بس لما طلعت على صوت الخناقة، لقيت (وليد) جوزي بينزف دم من جنبه والناس مملومين حواليه، وشوفت (عصام) ماسك سكينة كبيرة في إيده وعاوز يضربه تاني، لكن الناس كانت متجمعة وحاشت عن جوزي، روحت نزلت جري لقيت الجيران أخدت جوزي وطلعت بيه على مستشفى الوراق، وأنا روحت جري على المستشفى ولما وصلت المستشفى عرفت إن جوزي دخل العناية المركزة وبعد كده عرفت إنه توفى، ولما سألت على سبب المشكلة الناس اللي كانوا موجودين قالولي إن جوزي (وليد) كان بيعاتب (عصام) علشان رمى الزبالة قدام المحل بتاعه راح (عصام) جاب (مطواة) وضربه بيها كذا ضربه، وضرب اللي شغالين معاه في المحل بس أنا معرفش أساميهم وبرضو نقلوهم على المستشفى، لأنهم متعورين وده كل اللي أعرفه.
س: ما طبيعة الأرض آنذاك؟
ج: هي أرض أسفلتيه.
س: ما هو موقف المجني عليه من المتهم بعدًا ومستوًا واتجاهًا؟
ج: معرفش، لأني لما طلعت البلكونة كان جوزي اتضرب وبينزف وقتها.
س: وهل استخدم المتهم سالف الذكر أسلحة أو أدوات آنذاك؟
ج: أيوة الناس قالت لي إنه ضرب جوزي ب«مطواة»، كانت معاه وقت الخناقة وأنا شوفته من البلكونة كان ماسك سكينة كبيرة.
س: وما طبيعة الأداة المستخدمة ووصفها تحديدًا؟
ج: الناس قالتلي إنه ضربه ب«مطواة»، وأنا لما طلعت من البلكونة شوفته كان ماسك سكينة كبيرة، وعاوز يضربه تاني لكن الناس كانت متجمعه وحاشت عن جوزي.
س: كم عدد الضربات التي كالها المتهم لزوجك المجني عليه وليد ممدوح، تحديدًا؟
ج: معرفش بس هو ضربه أكتر من ضربه.
س: وأين استقرت تلك الضربات تحديدًا؟
ج: معرفش بس أنا لما شوفت كان في دم كتير في دراعه وجنبه الشمال، وكان في ضهره.
س: وهل كان بإمكان المتهم التعدي على المجني عليه؟
ج: أيوة.
س: ما الذي حال دون ذلك؟
ج: لأن الناس اتجمعت وحاشت عنه.