«بتولعوا الدنيا».. انفعال وتصريحات نارية من وليد دعبس في قضية أحمد رفعت (فيديو)

أطلق وليد دعبس، رئيس نادي مودرن سبورت، تصريحات نارية جديدة، بشأن قضية أحمد رفعت، الذي وافته المنية، إثر الأزمة التي عانى منها منذ فترة.
وقال وليد دعبس في تصريحات عبر برنامج «الماتش» مع الإعلامي هاني حتحوت: «أنتم في الإعلام بتخلوا الواحد حتى لو مش عايز يتكلم، لازم يتكلم، من شوية طلعت وذكرت إن أنا اتكلمت على أحمد رفعت، ونوهت إن عنده مشكلة مع الوحدة الإماراتية وقولت إني تراجعت».
وأضاف: «حضرتك أنا من أول مداخلة لي عن أحمد رفعت في كل الأماكن مش بشكر في حاجة أكتر من أخلاقياته، طيب زي هاشكر في أخلاقياته وأقول إن أخلاقه وحشة.. اللي قولته تعليقًا على سؤال عقد الوحدة اتفسخ ليه قولت لا تعليق لا مني ولا من الإدارة السابقة، هل ده معناه إني بقول إن المشكلة أخلاقية»
وأكمل: «القصة بتاعت إننا عايزين ناخد الموضوع إنه يمشي كدة أو كان يقصد كدة لا أنت لازم تجبلي مقولة إتقالت إني قولت إن كان في مشكلة أخلاقية».
وتابع: «مين اللي قال إن عنده مشكلة أخلاقية، دا ولد متربي والأسرة متربية والكلام ده أنا اللي بقوله، إزاي هعاكس نفسي وأقول ده عنده مشكلة أخلاقية».
وزاد: «في مشكلة مش أخلاقية اللي وصلني لما توليت النادي إداريًا وكان موضوع تاني وليس له علاقة بالمشكلة الأخلاقية.. بس أنا كان الأفضل لي أقول لا تعليق، يعني معنديش الخلفية الكاملة إن فعلا حصل كذا، مقدرش الحاجة اللي معنديش فيها معلومة متكاملة».
ليقاطعه هاني حتحوت قائلًا: «أولًا أنا قولت ما أعتُبر من جانب الناس مش اللي أنا أعتبرته».
ليرد وليد دعبس: «ما أعتُبر بناءً على إيه، الوحيد اللي طلع وأتكلم عن أخلاقياته أنا، هو تاني يوم هيتغير هتروح أخلاقه؟ أنا مزورش حقائق، أنا مبخافش من حاجة، لو عندي موضوع أخلاقي كنت هطلع أقوله».
ويكمل: «هو أنتم لازم الواحد يجيلكم يمين تيجوا شمال، أنتم عايزين تولعوا الدنيا وخلاص معندكوش هم غير كده، حضرتك إعلامي ولا قاضي؟ الإعلامي يظهر الحقيقة بمستندات».
وأردف: «أنا بقول واحد كان على خُلق، ومطلعتش في برنامج إلا ونوهت على أخلاقه، إيه الكلام الفارغ ده، أنت لو جبت لي كلمة إن قولت إن أخلاق الولد وحشة، هو ده اللي تمسكه على وده ميحصلش مني لأني فاهم الأصول».
عايزين تولعوا الدنيا وانت مش قاضي ياهاني .. مناقشة ساخنة بين وليد دعبس وهاني حتحوت على الهواء بسبب أحمد رفعت #صدى_البلد #الماتش @HHathout pic.twitter.com/B9aNbrR8yG
— صدى البلد (@baladtv) July 8, 2024