«حسام مش عاجبه لاعيبة الدوري».. شوبير يفجر مفاجآت بشأن المحترفين في منتخب مصر

كشف الإعلامي أحمد شوبير حارس مرمى الأهلي ومنتخب مصر السابق كواليس اختيارات اللاعبين المحترفين في معسكر منتخب مصر نهاية الشهر الجاري استعدادا لمباراتي بوركينا فاسو وغينيا بيساو في التصفيات الأفريقية المؤهلة لنهائيات كأس العالم 2024.
وقال أحمد شوبير: «مفيش مشكلة بالنسبة لمحمد صلاح ومصطفى محمد، أما تريزيجيه فلم يشارك في المباراة الاخيرة لفريقه لكن الكلام اللي جاي إنه هيلحق مباراة منتخب مصر مع بوركينا فاسو».
اقرأ أيضًا: «شخص معندوش ضمير ونيته مش كويسة».. إبراهيم حسن: تصريحات حسام حول لاعبي الدوري اتحرفت
وأوضح شوبير: «بالنسبة لمرموش هيعمل عملية في صباعه وإبراهيم طلب منه يأجل العملية النادي بتاعه فرانكفورت الألماني رفض هناك مفيش هزار وناس بروفيشنال كل حاجة في ميعادها مش هتتأجل وعلى فكرة عمر مرموش لاعب مهم جدا للمنتخب الفترة اللي جاية».
وتابع شوبير:«بالنسبة لأحمد حجازي لم يشارك في مباراة اتحاد جدة الأخيرة وفيه كلام إنه مصاب».
وأضاف شوبير: «أحمد حسن كوكا مش اختيار أول للمنتخب يعني ليس ضمن اختيارات حسام بس ممكن يكون موجود يعني، أما محمد النني فخارج المنتخب وكابتن حسام حسن قال النني مش موجود معانا في المنتخب وهو كده كده مش بيلعب مع فريق أرسنال».
واختتم شوبير: «كمان سام مرسي قائد فريق إبسوتش تاون الإنجليزي حسام حسن قال إنه مش ضمن اختياراته، فأحنا عندنا 8 محترفين كده 2 منهم بره وربنا يستر على حجازي وتريزيجيه ما يغيبوش هما كمان».