فريدة سيف النصر عن دور سُترة: لم أقدم أفضل ما لدي في «العتاولة» (فيديو)

كشفت الفنانة فريدة سيف النصر كواليس دورها في مسلسل «العتاولة»، الذي عُرض في موسم رمضان السابق 2024، وحققت به نجاحًا كبيرًا، بسبب اختلاف الدور والمسلسل بشكل عام.
وقالت فريدة خلال حلولها ضيفة في برنامج «أسرار النجوم» مع إنجي على، عن دور سُترة: «أنا معملتش جدل على السوشيال ميديا، ومكنتش حاسة إن عندي فرصة أقدم أفضل حاجة عندي».
وتابعت: «لأن المخرج حواليه كرو كبير هيراضي مين ولا مين، وأنا كنت بعافر عشان اشتغل، وسترة بالنسبالي فيها كتير منيّ، وأي شخصية قدمتها وحبيتها فيها منيّ».
View this post on Instagram
A post shared by NogoumFM (@nogoumfm)
واستكملت فريدة: «وأنا أحيانًا بيكون عند شيزوفرينيا، ولما بقدم عمل بتفضل الشخصية بتاعته فيّ شوية».
كما تحدثت فريدة عن أسباب ابتعادها قليلًا عن السينما، قائلة: «ماليش في السوشيال ميديا ودايمًا بقول شغلك هو اللي يتكلم عنك، وأنا برفض أدوار كتير ما بعملش 3 و4 أدوار في الموسم لأن مش معقول الناس تشوفني هنا وهنا طب هوحشهم إزاي، أنا بتعامل مع الدور كأني بخطب أو بتجوز».
وتابعت: «أنا اتعودت أشتغل مع ناس كبيرة محمد خان وعاطف الطيب وفريد شوقي وعاطف سالم وسمير صبري وكانوا بيختاروني من بين بنات كتيرة وده علشان عندك الموهبة وده خلاني أتمسك بأني أكون إلى حد ما راضية ومحافظة على ثقة جمهورك فيا».
اقرأ أيضًا:
«اتعودت اشتغل مع ناس كبيرة».. فريدة سيف النصر تكشف أسباب ابتعادها عن السينما
فريدة سيف النصر عن سبب أزمتها المرضية: أنا على الله في كل تصرفاتي