في ليلة النصف من شعبان.. تامر حسني يوجه رسالة لجمهوره (تعرف عليها)

نصح الفنان تامر حسني جمهوره ومتابعيه على مواقع التواصل الاجتماعي بالعبادة والاإستغفار والتقرب من الله في ليلة النصف من شهر شعبان.
وكتب تامر حسني على صفحته الرسمية بموقع التواصل الاجتماعي «فيسبوك» قائلًا: «صباح الخير على أغلى الناس.. معلش بعد اذنكم اقرأوا كلامي للآخر
من النهارده لبكرة اعمالنا بتترفع لربنا يعني كلنا نلحق نستغفر ونطلب من ربنا يسامحنا.. محدش يتخيل انه عمل اخطاء كتير فمالوش عين يطلب لا لا لا مهما عملت اطلب حالًا وياريت لو نصوم بكرة أنا هعمل كده أي حد عنده شغل ياريت يفضي شوية وقت عشان يستغفر ويدعي كتير بقدر الإمكان».
وأضاف: «اليوم ده ليه سحر وانا جربته كتير قبل كده وهتحسوا في قلوبكم أن في حاجة اتشالت من عليكم وبقيتوا مبسوطين اكتر،، ادعوا بكل اللي تتمنوه اوي اوي
فرصة لاي حد عمل ذنب كبير غصب عنه أو قاصد بس ندمان فرصة أن ربنا يسامحه دلوقتي بس نفتكره ونطلب منه يلا يا جماعة من دلوقتي لبكرة اعتبروا أن ده يوم بسنة كاملة وجايز بكرم ربنا يبقى يوم بحياتك كلها اجتهدوا فيه اوي من صلاة من تصدق من ذكر من دعاء من صلة رحم».
واختتم: «اليوم ده تقدر من خلاله تبدأ صفحة جديدة مع نفسك ومع ربنا اوعى تحس انك بعيد ومتسمعش كلام أي حد يقولك يا عم انت بتعمل وبتعمل قوله ملكش دعوة ليا ربنا هيحاسبني مش انت …. ونخلي عندنا يقين مش عادي ركزوا على كلمة يقين مش عادي أن ربنا سامعنا وهيستجيب لنا وهيحققلنا اللي بنتمناه واللي هيكون صالح لينا وهيسامحنا. عشان تفرق كتير اوي لو بتدعي وعندك يقين أو معندكش بتفرق كتير اوي صدقوني …… ومتنسوش تدعولي معاكم بعد اذنكم محتاج دعواتكم جدًا».
اقرأ أيضا : تامر حسني يستعد لموسم رمضان المُقبل 2024 بإعلان جديد (تفاصيل)
قرار قضائي بشأن مشاجرة شقيق تامر حسني وملكة جمال العرب سابقًا ب مول شهير