بسمة وهبة ترد على منتقدي تحدثها بالعبري: «اللي غيران مننا يعمل زينا» (فيديو)

ردت الإعلامية المصرية بسمة وهبة، على الانتقادات التي طالتها بسبب رسالتها باللغة العبرية للشعب الإسرائيلى.
وقالت «وهبة» في تعليق عبر برنامجها «90 دقيقة»، على قناة المحور، اليوم الإثنين: «في ناس مش عاجبها لغتي في العبري، أنا قلت النهاردة ريح الزبون، أنا قررت أتكلم بالعربي عشان محدش يضايق، وهجيب حد يترجم الكلام بالعبري».
وأضافت: «انتوا حساسيين أوي من حتة بتاعة طلاقة اللسان في العبري، لو إنجليزي أو فرنساوي نص نص ماشي، إنما العبري، لأ، لازم اللي يتكلم عبري يكون بيتقنه، وتكون راحت عاشت في إسرائيل شوية فأتقنت العبري!».
وتابعت «وهبة»: «لكن بسمة وهبة لما تكون في وسط مذبحة، وفي كلمتين عايزين يتقالوا بالعبري، لأ»، مشيرة إلى أن ما تتعرض له حملة ممنهجة.
وأكملت: «أهم حاجة الرسالة بتاعي وصلت لإسرائيل، واللي مش عاجبه يعمل زي، واللي غيران مننا يعمل زينا».
بعد بسمة وهبة.. أسامة كمال يوجه رسالة بالإنجليزية إلى إسرائيل: «دى بداية النهاية» (فيديو)