ياسمين عز عن الزوج الأهلاوي: «على الحلوة والمرة معاكي وأكلته المفضلة البطة»

علقت الإعلامية ياسمين عز، على مباراة القمة التي تجمع بين الأهلي والزمالك في الدوري الممتاز، غدًا السبت، كاشفة عن مميزات الزوج الأهلاوي.
وقالت «عز» في تعليق عبر برنامجها «كلام الناس»، والذي يعرض عبر قناة «إم بي سي مصر»، اليوم الجمعة: «الأهلاوي أصيل عمره ما يتخلى عنك، مهما كنتي منكدة عليه، لأن من أول لحظة ليكم سوا واخد عهد على نفسه إنه على الحلوة والمرة معاكي».
وأضافت: «الراجل الأهلاوي مش بيرضى غير بالمركز الأول، عشان كده لازم تبقى طول الوقت بريمو ونمرة واحد في كل حاجة».
وتابعت: «الأهلاوي مش فارقة معاه تطبخي إيه أو شكل السفرة عامل إزاي حتى لو هتحطي الأكل في أطباق بلاستيك أو كرتون، أهم حاجة تفرق إنه ميقومش من على السفرة غير وهو شبعان على الآخر».
وأكملت «عز»: «لو بعد الشر فكرتي تغضبي وتمشي وتسيبي البيت، اعرفي إنه صعب أوي ترجعيله مرة تانية، لأن الراجل الأهلاوي عنده قوانين صارمة مش بيخالفها أبدًا».
وتابعت: «الزوج الأهلي يعشق الاحتفال بكل مناسبة، عمره ما ينسى عيد ميلادك أو عيد جوازكم، راجل فرفوش، بيحب يحتفل بمناسبات غريبة، ممكن تكوني إنتي مش واخدة بالك منها، لكن بالنسبة له هي بتخلد أمجاده وذكرياته، زي مثلا أول مرة عملتيله صينية بط بالبرتقال، هتلاقيه كل شوية بيفكرك بيها وبيقولك البطة ممكن».
اقرأ أيضًا:
*قصة الفيديو الذي تسبب في إيقاف المذيعة منى العمدة
*محمد الباز يكشف مفاجأة عن أسعار البنزين الجديدة 2023
*رئيس الوزراء: «المواطن اللي بيدفع 300 جنيه فاتورة كهربا المفروض يدفع 1000»