أوضح الفنان حسين فهى شروط الزى الرسمى التي سيحضر به النجوم، مهرجان القاهرة السينمائى في الدورة المقبلة ال44 التي ستقام في شهر نوفمبر القادم. وقال الفنان حسين فهمى، خلال فيديو نشرته قناة المهرجان عبر موقع الفيديوهات الشهير «يوتيوب»: «إحنا مهرجان دولى درجة أولى، ولما جيت المهرجان لقيت إن كل واحد يلبس اللى هو عاوزه، عيب، أنا هلبس كويس والناس تلبس لطيف والنساء تلبس كويس، المسألة تطورت أكثر مما أتخيل». وأضاف فهمى معلقا على إطلالات الفنانات قائلا: «المسألة تطورت وبقى ورينى يا حبيتي الفستان طب لفى كده، اسمه ايه الكوافير، مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيم جدا».