بيقولوا عليه ابن الشارع.. طب مايقولوا اسم الشارع.. أنا لا ليّه مكان ولا حتى زمان.. ومش محسوب كمان إنسان.. لا ليه بيبان ولا حتى حيطان.. ولا أم تدفى تدينى حنان.. ولا أب يطبطب أشعر بأمان.. فى الشتا والصيف أنام عريان.. الليل أنا خايف من كلب يكون سعران.. ينهش بطل الجوع منا أصلى جعان.. الصبح ألقط رزقى وبكون عطشان.. أنام فى الشارع على أى رصيف.. أو تحت الكوبرى ونومى خفيف.. أحلم بالشرطى وأنا جسمى ضعيف.. عمال يضربنى وأنا وشى نحيف.. ودانى لضابط وكلامه سخيف.. نفسى أدوق اللحمة.. وأشوف فى قلوب الناس الرحمة.. كل يوم أنام والدمع فى عينيه.. ما حد يسأل ولا يحن عليّه.. لا ليه خال ولا عمة.. ولاعم يشيل عنى الغمة.. ياما شفت ذل وأسيه.. وقلوب حجر وكلها أنانية.. أنا بيتى الشارع.. وحموت فى الشارع. سموحة