«بيشوى» يبدأ رحلته فى أطول طريق للHiking بأوروبا: «همشى 550 كيلو»

يهوى كثير من المصريين رياضة الHiking، وهى إحدى رياضات السير، ولكنها تختلف عن رياضة المشى، لأن الأولى تتعلق بالمشى على الجبال وبين المناظر الطبيعية بشكل أساسى. ويبحث دومًا هواة الHiking عن أماكن جديدة، يخوضون فيها مغامرة المشى على الجبال وبين المناظر الطبيعية خارج مصر.
«بيشوى فايز»، مدرب الغطس، وهاوى السفر، البالغ من العمر 35 عامًا، والذى يعمل كمرشد سياحى فى أوروبا، يأخذ قراء «المصرى لايت» فى رحلة لأشهر طريق للمشى على الجبال وبين المناظر الطبيعية فى أوروبا. تجربة بدأها «بيشوى» مع غرة شهر مايو الجارى، ووصفها ب«أكبر مغامرة هعملها فى حياتى»، مفسرًا ذلك بقوله: «أنا بدأت مشى من مدينة بورجوس الإسبانية، همشى أكتر من 550 كيلو وهياخدوا منى من 3 ل4 أسابيع فى أشهر طريق للHiking فى أوروبا والحجاج الكاثوليك وموجود فى شمال إسبانيا، واسمه».
وتابع: «هو يعتبر أول طريق سياحى فى التاريخ، لأنه مدرج من ضمن أهم مواقع التراث العالمى لليونسكو عشان بيجيلوا ناس من كل جنسيات العالم».
تاريخ طريق «Camino De Santiago» يرجع إلى سنة 44 ميلاديًا، حينما كان القديس يعقوب كان يبشر بالمسيحية فى أوروبا، ومن ثم تم اكتشاف رفاته فى القرن التاسع، يقول: «وبعدين عملوا كاتدرائية عملاقة فى سانتياجو، وسنة 1140 ميلاديًا إتعمل أول خريطة للطريق، وبدأ الناس تجيله من كل حتة فى العالم». وتابع: «الطريق بتعدى فيه على جبال وهضاب ومدن وقرى ومزارع وأنهار، وبتشوف فيه كل أنواع الطقس، حر وبرد ومطر وتلج، بيبقى فيه صعاب وتحديات كتير، مش سهل إنك تعديه، وناس كتير مش بتكمله من التعب والضغط النفسى».
وأردف: «لكن كل الناس اللى مشيت الطريق لآخره، اكتشفت حاجات جديدة وإتعلمت حاجات عمرها ما تخيلتها، غير إنك بتتعرف على نفسك من جديد وبتتعرف على ناس من كل أنحاء العالم».