بعد ندمه لابتعاده عن التمثيل بسبب «المخدرات»..مصطفى درويش يوجه رسالة ل أحمد عزمي

حرص الفنان مصطفى درويش، على دعم الفنان أحمد عزمي، بعد لقائه الأخير في برنامج «كلام الناس»، والذي كشف فيه عن ندمه لابتعاده عن مجال التمثيل، بسبب تعاطيه المخدارت والكحول .
ونشر «درويش»، صور للفنان أحمد عزمي، عبر حسابه الرسمي بموقع التواصل الأجتماعي «فيس بوك»، وعلق عليها قائلًا :«كل الدعم يا أحمد، أنت فنان كبير وكل الناس بتغلط عادي، ده أنا من جمهورك والله وكل الناس بتحبك، وبإذن الله نشتغل مع بعض قريب وده شئ يشرفني جدا».
وفي وقت سابق، قد قال الفنان أحمد عزمي، إنه دخل في حالة اكتئاب شديدة، بعد وفاة شقيقه الأصغر في مشاجرة مع أحد الأشخاص، مشيرًا إلى أنه تعاطى المخدرات، ودخل في دوامة الكحول بسبب مجموعة من الأشخاص كانوا حوله.
أضاف «عزمي» خلال لقائه ببرنامج «كلام الناس» الذي يذاع على شاشة mbc مصر: «الأمر اللى خلاني مبقتش قادر أواجه الدنيا مقتل أخويا حمدي اللى اتقتل بحادثة بشعة تعرض فيها ل 13 طعنة في جسده، بسبب مشاجرة بينه وبين أحد الأشخاص، وقتها حسيت أن مصر مبقتش بتاعتنا، ومبقتش حاسس بالانتماء اللى كنت حاسه قبل كده، وقتها كان الحل أن روحت شرم الشيخ واشتريت شاليه وفقدان التوازن بدأ يزيد وابتعدت عن كل الحاجات الحلوة اللى بحبها».
وتابع :«لما روحت شرم الشيخ كان حواليا مجموعة من الأشخاص ودخلت في دوامة الكحول اللى هو بداية لكل مفسدة، وبدأت تعاطي المخدرات، ودخلت في اكتئاب مع انفصالي عن زوجتي».
وأكمل: «حادثة شرم الشيخ، اللجنة وقفتنا، والظابط لقى فيه حاجة مش مظبوطة، وفتش العربية طلع منها أقراص مخدرة ترامادول، الناس اللي كانوا معايا في عربيتي مش قادر أتذكرهم أنا عرفتهم إزاي أو منين».
واعترف الفنان أحمد عزمي، بتعاطيه الترامادول، قائلا: «كنت باخد ترامادول، لكن بوصفة روشتة، بس الموقف على بعضه مكنش شكله كويس، كان فيه حد من اللي راكبين معايا العربية كانت بنت مُسجلة، فالموضوع كبر».