«عياط وحقنة ب130 ألف جنيه».. كواليس انهيار حمو بيكا على أبواب مدينة الإنتاج وتطورات حالته

أثار مطرب المهرجانات الشعبية حمو بيكا، جدلا واسعا عبر مواقع التواصل الاجتماعي بعد تصريحاته وأزمته الصحية، أمس الجمعة، بعد عرض حلقته بمشاركة المطرب المهرجانات الشعبية حسن شاكوش، ببرنامج «كلام الناس».
وكشف «حلمي» مدير أعمال حمو بيكا في تصريحات ل«المصري اليوم»، تطورات الحالة الصحية ل «بيكا» قائلا: «امبارح بعد انتهاء الحلقة بيكا كان مضايق جدا من اللي بيحصله والظلم اللي بيتعرض له، وفي الحلقة عيط وكان متأثر جدا، وخرجنا من القناة وكنت على باب مدينة الإنتاج الإعلامي، فجأة لقيت حمو بيقع مني في العربية».
وأضاف: «أخذت حمو وطلعت بسرعة إلى المستشفى، وكمان أنا على علم بمرض حمو النادر مرض (الكرونز) اللي هو سبب في كرشه الكبير، وكنت خايف عليه جدا ليحصله حاجة، وعند وصلي إلى المستشفى تم حجزه والدكتور شخص حالته بأنه ضغط نفسي وكان ممكن يسبب (جلطة) ولكن هو الحمد لله استقرت صحته». موضحا: «الدكتور طلب منه الخروج من المستشفى والمكوث بمنزله وهو سيتولى رعايته من المنزل، وهو لازم ياخد حقنه كل 3 أشهر عشان (الكرونز) وهي ميعادها خلال الأسبوع الجاري».
اختتم حلمي قائلا: «والله أنا وحمو بنجمع 130 ألف جنيه عشان يأخذ الحقنة ولسه لحد دلوقتي المبلغ لم يكتمل، والناس مفكره إنه معاه ملايين ومش شايفيين هو فاتح كام بيت وبيصرف على ناس كتير، ربنا أكيد شايف ده وهيرجع يغني تاني في بلده».
كان المطرب حمو بيكا تعرض لوعكة صحية مفاجئة نقل على إثرها لمستشفى، بعد ساعات قليلة، من حلقته في برنامج «كلام الناس»، ونشر الحساب الرسمي لمطرب المهرجانات «بيكا»، عبر موقع التواصل الاجتماعي فيس بوك، صورة له من داخل المستشفى، وعلق على الصورة قائلًا: «ادعو لحمو بيكا يقوم بالسلامة يا جدعان.. وحسبي الله ونعم الوكيل في اللي كان السبب!».
كان مطرب المهرجانات حمو بيكا، أمس الجمعة، تحدث من جديد، عن قرار إيقافه من قبل نقابة المهن الموسيقية برئاسة الفنان هاني شاكر، مشيرًا إلى أنه ليس مطربًا لكنه مؤدٍّ. وقال: «أنا مش صوت، أنا داخل بجمهور أنا راجل مؤدي، مش لازم يكون صوتي كروان عشان يدوني الكارنيه، أنا أي دولة عربية بتسمعني، مينفعش، ليا الجمهور دا كلو وحضرتك متصنفنيش».
أضاف: «أنا ليا جمهوري، أنا أهم حاجة تصنفني، راب أي حاجة بس المهم تصنفني، في الدستور حرية الرأي، ملكش تمنعني أنا مش بعمل حاجة غلط، كل حاجة النقابة بتطلبها بعملها، أعمل إيه تاني، إنت بتقولي أخرج بره مصر، لا أنا مصري، ولازم الامتحانات تمشي بما يرضي الله».