باستثناء نيللي وآسر ياسين.. عصابة «ب100 وش» تدعم شريف الدسوقي بعد بتر قدمه

دعم أبطال مسلسل «ب100وش» الفنان شريف الدسوقي بعد إجراء عملية بسبب الغرغرينة التي تعرض لها في ساقه وأدت لبترها حتى الركبة بسبب مرض السكري.
مصطفي درويش دعم شريف الدسوقي، وقال: «يا ريت ندعي لشريف لأنه يمر بأصعب لحظات في حياة أي إنسان بعد ما يفقد جزء من جسده وهو ساقه، ربنا يصبره».
وقال إسلام إبراهيم: «لا حول ولا قوة إلا بالله العلي العظيم، ربنا يشفيك يا شريف ويقدرك على مواجهة الصدمة ويارب صبر قلبه وقويه ويرجع أحسن من الأول».
وقالت زينب غريبانا: «مش عارفة أقول إيه ولا إيه في حق الأستاذ شريف الدسوقي، دايما كان معانا محترم وخلوق لأبعد حد في مسلسل بميت وش، وعلى المستوى الشخصي كان بيتعامل بكل عطف معايا ومع الكل، ويمكن أنا اللي مقصرة في حقه».
أضاف: «مش قادرة أستوعب مدي ضغط وقسوة مهنة التمثيل اللي أكيد بتأثر علينا كلنا بطرق مختلفة نفسيا أو صحيا أو ماديا، بس الموقف اللي بيمر بيه الأستاذ شريف بيوجع القلب وكل آمالي إنه يكمل ولا حاجة تأثر فيه مهما حصل».
تابعت: «بتمنى ياخد وقته في الشفا ويتخطي محنته ويقوم بالسلامة، وأنا وكل الناس اللي بتحبه قلوبنا ودعمنا معاه، وعشمي في ربنا كبير إنه يلهمه الإرادة والعزيمة ويرجع يكمل مشواره ونجاحه ويضيف للسينما والدراما بموهبته المميزة».
ونشرت دينا ماهر صوره لها مع الفنان شريف الدسوقي عبر الانستجرام قائلة: «سلامتك يا شريف ربنا يتم شفاك على خير يارب».
وتجاهل كل من: نيللي كريم وآسر ياسين دعم عضو العصابة شريف الدسوقي.
يذكر أن مسلسل «ب100 وش» حقق نجاحا أثناء عرضه واشتهر الفنانين المشاركين فيه باسم العصابة.