وجهت الفنانة زينب غريب من أبطال مسلسل ب 100 وش الذي عرض في شهر رمضان قبل الماضي، رسالة إلى الفنان شريف دسوقي الذي تعرض لعملية بتر ساق في الساعات الأولى من صباح اليوم. وقالت زينب غريب عبر حسابها على فيس بوك: "أنا مش عارفة أقول إيه ولا إيه في حق الأستاذ شريف الدسوقي، دايما كان معانا محترم وخلوق لأبعد حد في مسلسل بميت وش، وعلى المستوى الشخصي كان بيتعامل بكل عطف معايا ومع الكل، ويمكن أنا اللي مقصرة في حقه". وتابعت: "مش قادرة أستوعب مدى ضغط وقسوة مهنة التمثيل اللي أكيد بتأثرعلينا كلنا بطرق مختلفة نفسياً أو صحياً أو مادياً، بس الموقف اللي بيمر بيه الأستاذ شريف بيوجع القلب وكل آمالي إنه يكمل ولا حاجة تأثر فيه مهما حصل". اقرأ أيضا عمرو محمود ياسين يطمئن شريف دسوقي: هنشتغل مع بعض قريب لأني من معجبينك واختتمت زينب غريب قائلة: "بتمنى ياخد وقته في الشفا ويتخطى محنته ويقوم بالسلامة، وأنا وكل الناس اللي بتحبه قلوبنا ودعمنا معاه، وعشمي في ربنا كبير انه يلهمه الإرادة والعزيمة ويرجع يكمل مشواره ونجاحه ويضيف للسينما والدراما بموهبته المميزة". اقرأ أيضا تفاصيل بتر قدم شريف دسوقي.. كانت عملية «كحت» (خاص) وأعلنت الفنانة بدرية طلبة عبر حساباتها على مواقع التواصل، خبر بتر ساق شريف دسوقي، وعلقت قائلة: "للناس اللى بتتصل وبتبعت رسايل علشان تطمن علي الفنان شريف دسوقى (سبعبع) كان فيه جرح فى رجله الشمال وهو مريض سكر، حالته ساءت جدا وبعد الفحوصات والأشعه والتحاليل قرر الدكتور بتر الرجل من تحت الركبة وهو خرج من أوضة العمليات وحالته مستقرة الحمدلله أدعوله ربنا يتم شفاه علي خير".
