مجرد دردشه

مجرد دردشه جوايا كلام كتير ... عن اللي بيحصل ومن غير تبرير ... وسألت نفسي هي دي ضريبة التغيير ؟ولا هي ناس معندهاش ضمير ... ولا الطمع بقى كتير ... ويا ترى رايحين على فين وحيكون ايه المصير خلينا نتكلم بصراحه ... ليه في ناس بيعملوا اللي هم عايزينه بكل تناحه ... وناس تانيه من الهم عايشين في مناحه ... وغيرهم مش فارق معاهم وحالتهم مرتاحه ... ده غير اللي زمان مكنش ليهم مكان دلوات شيفين ليهم سلطه مساحه ده غير كل واحد عايز حاجه ... يقلك يا عم ماهي مش محتاجه ... اضراب ومظاهرة وحناخد كل حاجه ... حتى اللي فاهم بيدعي السذاجه واسمع مني يا بلديا ... انا عندي رغبه قويه ... اعرف مين الناس ديه ... اللي بيسموهم القوى الوطنيه موجودين في كل اجتماع ... ولا رد فعل ولا اي انطباع ... على اي كلام سمعا وطاع ... وعلى اديهم الحق ضاعو خلينا في المهم ... اكبر هم ... كل شويه يقول لك عايزين الشمل يتلم ... وشويه يقول لك طلبكم تم ... والمحصله صفر على الشمال يا عمو ادي المباديء الفوق دستوريه ... اللي في السكه جايه ... معلش حد يفهمني اصل فهمي على ادي شويه ... هو الدستور فوقه ايه يا عنيه ... واللي حيعملوه بعد الانتخابات دستور بردو ولا مهلبيه وليه كله عايز يقضيها من غير رقابه ... جيش وقضاء يا با ... وعلى حساب مين الناس الغلابه واسمع دي كمان ... سواق تاكسي قالي الله يرحم اللي كان ... قلت له ما احنا كنا عايشين في قهر وظلم زمان ... قالي بس كان في امان ... قلتله ماهم كانوا بيسرقوا قوتك وقوتي كمان ... قالي انا من اللي بيحصل تعبان ... قلتله مالك بس يا انسان ... قالي الدنيا خربانه ولا انت مش شايف يا فنان قلتله سلمها للرحمن وخلي عندك ايمان ... بكره حتتعدل والدنيا حتكون حلوة اوى كمان ... بس جورج يحط ايده في ايد عبد الرحمن ... ونقف كلنا في وش كل ظالم وجبان ... وكل واحد يغير من نفسه ومنركزش مع فلان وفلان ... حنعيش كلنا عيشه حلوة وجنان واللي عايز يقعد الستات في البيت ... اللي ملهاش راجل تاكل عيلها منين ولا تضرب راسها في الحيط ... والي بتساعد جوزها يناموا في الشارع بدل ما يدفعوا ايجار البيت ... ولا انت حتصرف عليهم والله ياريت والبنت اللي ابوها مات ... وبتصرف على ام واخوات ... تجيب منين يا بشاوات ... وياعم ده بدل ما تقول اقفلوا الكباريهات ... وحطوا قوانين رادعه لتجارة المخدرات ... ولا للبلطجه والسرقات وليه يفترض سوء النيه ... لراجل وست شغالين وسنين كتير عليهم معديه ... وهم شغالين بنفوس تقيه ... عشان يصرفوا على عيالهم في ايام صعبه ومش معديه ... ولا العمليه بقت اللي عايز قانون يحطه على حساب ناس مش لاقيه الفول والطعميه احنا عرب ومسلمين ونراعي الله في ديننا و نغير على نسائنا ... ونتمنى نحافظ عليهن من العناء في بيوتنا ... لكن عايشين في فقر ومش قادرين نوفر اقواتنا ... سبناهم يساعدوننا في امور حياتنا وطالما مفيش حاجه تغضب ربنا ... خلونا نعيش بامان في حياتنا ... واعتقد دلوقتي تختلف مجتمعاتنا ... عن اللي سبقتنا ... وتغيرت احتياجاتنا واذا كان في مقدرة الدوله ان تصرف على السيدات ... الغير عاملات ... وتوفر لهم الاقوات ... وتؤمن للرجال مرتبات ... لسد الخانات ... ففي هذه الحالة بالذات ... سوف اشجع عمل الرجال وتوقف السيداتيا ساده العمل عباده للرجال والنساء ... وطالما ان الانسان يتقي الله في السراء والضراء ... ولا يتعامل برياء ... فليفعل ما يشاء ... وحسابه عند الله رب الارض والسماءالاسلام يا اخوانا دين يسر للمسلمين ... وتسامح مع المسيحين ... لكن بما يرضي الله رب العالمين الخلاصه من الدردشه اننا نحتاج لقائد مسلم موحد بالله ... يرعى الوطن والمواطنين في كل اتجاه مصر بلادنا ... ارضها ارضنا ... والمستقبل فيها لنا ولابنائنا ... فنحن من سيختار من يحكموننا وثورة هذا الجيل ... بعد سنوات من العناء طويل ... ستستمر في نفس السبيل ... حتى تصل بالبلاد لمستقبل باذن الله جميل