الكائن البغبغان المكتوم . . .

الاحداث السابقه و القادمه التي نواجهها كل يوم في مصر بعد الثورة نتيجه طبيعيه جدا لكتم المشاعر و كبت حرية التعبير عن الراي
توجد كائنات في وسطنا منتشره داخل مجتمعنا هذه الكائنات تتمحور و تتحول و تتلون حسب نوع و طبيعة الحاكم. هذه الكائنات كانت لا تستطيع الحديث في اي امور سياسيه و كانت تتبع الحاكم بطواعيه و اقتناع كامل و لكن الكره للكائن الاخر كان موجود بس كان مكتوم. ينظر اليه بتعالي و عجرفه لانه بمرتبه اعلي و اسمي منه و تناسي انهم الاثنين يعيشون في وطن واحد يجمعهم معا و لكن ولاء الحاكم بلا عقل جعل الكائن المكتوم في حيره داخليه , حيره لانه مش عارف يحب ولا يكره مش عارف يؤيد ولا يعارض دايما لاغي عقله و مسلمه لسيده!!
بعد الثورة الحاكم غار في داهيه و يا حرام الكائن المكتوم اصبح في حيره من امره, ماذا يفعل الان؟ و كيف سيتصرف؟ انه بلا حاكم الان. لمن سيدين بالولاء. . . يفكر الكائن في داخل نفسياته: طيب انا حنسي الحاكم و مش حكون محكوم علشان انا عايز ابقي حاكم , حروح ادور علي الكائن الاخر و اطلع عينه لغاية ما الكل يخاف . . . و يمكن كمان الكائن اللي زيي اللي عامل نفسه معتدل يلم نفسه هو كمان . . . طيب حبقي حاكم ازاي ؟ حبقي حاكم ازاي؟ ايه الغباء ده انا ككائن مكتوم معنديش تمويل و لو روحت لحبيبي المسعودي حيقولوا علي امي خاين و مرتشي و مفيش عندي ترتيب او امكانيات علشان اعمل كده . طيب اروح عند الجماعه اللي هنالك اللي مش بحبهم ولا استمر بغباء في ضرب الكائن ولا اشوف مين الحاكم المحتمل و غالبا حيبقي الصورصار ابو سلاح و اعمل تحالف معاه . . .
اوبببا . . . ده الشعب مختلف و معترض علي الصورصار. . . . طيب التحالف حيبقي في السر زي الجواز العرفي كده . . انا كائن مكتوم و الناس مش بتحبني طيب اعمل ايه بقي ؟ هجوم علي الكائن الاخر مش عاجب و اتفاقي مع الجماعه اللي هنالك برضوا مش عاجب و شغلي مع الصورصار برضوا مش عاجب ده حتي هتافي لسيدي بن لادوونناا مش عاجب ولاد الذينا بيقولوا عليه ارهابي, قتل اطفال و شيوخ لخدمة القضيه اللي انا مش فاهمها اصلا و ببقي حاسس اني عامل زي البغبغان و انا باهتف و بقول حاجات كتير مالهاش علاقه ببعض
واضح اني حفضل كائن مكتوم متموحر في داخل ذاتي و منشق عن المجتمع و حافضل بلا هويه مش عارف اعيش في ام البلد دي طيب و الله لاخربهالكم بالتعاون مع الصورصار ابو سلاح و ممكن مع الجماعه اللي هنالك علشان انتوا مش بتحبوهم . . . ايوه انا عايش علشان انكد عليكم
برضوا لازم يكون عندنا امل ان بكره احسن من انهارده و مصر ستتقدم بعقول اولادها و مش حنرجع للوراء ابدا
عاشت ثورتنا المجيده التي تمت زراعاتها بدماء الشهداء
فادي مكين, كائن اخر . القاهرة
تابعوني علي التويتر
fadimck