«الخولي» يحكي للسيسي عن «سؤال صادم» من «هيكل» في مؤتمر الشباب

قال طارق الخولي، عضو مجلس النواب، إنه «فيه نظرة ظالمة للشباب، والشباب لا يمكن أن نعمم عليهم رأي واحد، وهناك وجهات نظر متعددة ومتباينة».
وجاء حديث الخولي، في حضوره لقاء الرئيس عبدالفتاح السيسي مع الشباب على هامش المؤتمر الوطني الأول بمدينة شرم الشيخ، مساء الثلاثاء.
وتحدث الخولي عن لقاء سابق حضره مع الكاتب الراحل، محمد حسنين هيكل، لافتًا إلى أن الأخير سأله: «أنت مين وعايز إيه.. أنا بسألكم عن هوية جيلكم أنتم فكرتم في السؤال ده لما نزلتوا في 25 يناير و30 يونيو، عملتوا جميعة فكرية حوالين أنتم عايزين توصلوا لإيه».
واعتبر الخولي أن سؤال هيكل كان «صادمًا»، لافتًا إلى أنه يريد في الوقت الحالي الخروج ب«تجربة رائعة زي الستينيات»، فيما يتعلق بعمل الشباب السياسي.
وأضاف: «ماقدرش أقول عندنا حزبين أو 3 قادرين يعبورا عن توجهات الشباب، والمعوق المالي يقف في أي تجربة حزبية، وبعض الأحزاب يسيطر فيها المال السياسي، ولهذا السبب الأحزاب طاردة، واللي هيحمي البلد وجود تنظيمات قوية»، محذرًا من عودة «التنظيمات متطرفة» للحياة السياسية.
وجاء رد السيسي على كلام الخولي، بقوله: «ممكن يكون اللي بنعمله أنت عايزه دلوقتي، وهو رايح لها بس مش دلوقتي، التنظيم السياسي طرح عليا قبل كده ويتعمل حزب باسم.. مش كده.. وأنا قلت بلاش نعمل كده من المنظور اللي تم طرحه تحت اسم فلان أو تحت رعاية وفلان، لكن ماحدش أعاق طرح تنظيم سياسي بالمفهوم بالرؤية».
واستكمل: «كل ما هتعرفوا أكثر كل ما هتخافوا أكثر، يمكن ده رد للأخت اللي حاسة مفيش الحرية الكافية»، ثم واصل حديثه بسؤال يقول: «عايزين إيه.. أعمل إيه يعني.. لو الموضوع محتاج حوار مجتعمي للنقطة دي أنا مستعد أعملها، وأنا بسمع منكم وأرد عليكم».