بالفيديو.. ريهام سعيد تذبح عجلين: «عشان تعرفوا جبانة قد إيه»

أذاعت الإعلامية ريهام سعيد فيديو لها وهي تذبح عجلين، مبررة ذلك برغبتها في خوض التجربة، فيما كشفت أن العجلين تم ذبحهما «عشان الحسد».
وقالت «سعيد»، في برنامجها «صبايا الخير» على قناة «النهار»، مساء الأربعاء: «والنبي تحضرولي (فريق الإعداد) الكليب بتاع العجل ينفع، احنا شفنا حاجات قتل كتير قلتلهم طيب في رجالة بتدبح عجل خروف كدة، فأنا عايزة أجرب أدبح، احنا الحمد لله بندبح كتير في صبايا الخير بنعمل خير.. أنا عايزة أدبح».
وأضافت: «عايزة أقولكوا إنها حاجة صعبة جدًا، السكينة مبتبقاش حامية، العجل جلدة تخين فلازم تعمل كدة جامد أنا مجاليش قلب أعمل كدة جامد».
وتابعت، موجهة حديثها لفريق إعداد برنامجها: «نشوف العجل.. طيب ورونا كدة عشان تعرفوا جبانة قد إيه».
وفي الفيديو، قالت الإعلامية، قبل إقدامها على ذبح العجل الأول: «قررنا ندبح العجل ده عشان الحسد، أنا قررت أدبح العجل بنافسي».
وحاولت «سعيد» ذبح العجل إلا أنها لم تستطع لتترك السكين للجزار ليكمل المهمة.
وفي المحاولة الثانية، رفضت «سعيد» في البداية ذبح العجل الثاني، خوفًا من تعذيبه، على حد قولها، إلا أن المرافقين لها أقنعوها بالمحاولة، ومع إقدامها على ذبحه، «طرطش» الدم عليها، لتترك السكين وتأخذ خطوات للخلف وينقطع الفيديو.
اشترك الآن لتصلك أهم الأخبار لحظة بلحظة