فيديو.. الحسيني لنجل مرسي: "انت كبرت وطلعلك صوف"

سخر الإعلامي يوسف الحسيني، من كلام عمر نجل الرئيس محمد مرسي، والذي انتقد فيه بعض الإعلاميين بمن فيهم الحسيني نفسه قائلاً: "أنا استغربت جدًا إن الظريف اللطيف عمر محمد محمد مرسي عيسي العياط قرر إن هو يكتب على "فيس بوك" قصة وبتاع ورغي ولغو كتير.. أنا مستغرب يا عمر إن انت برضو مبتتعلمش الدرس يا بني.. يا بني لازم تقعد مع حد كبير.. لو بابا مش فاضي شوف حد يبني أكبر منك تقعد تتعلم منه" .
وأضاف الحسيني: "يا بني انت مالك ومالي؟ يا عمر عيب يا بابا.. خلاص انت غلطان ووالدك غلطان عشان نسي ياخد باله منك ويربيك ويعلمك تحفظ لسانك.. أنا مش هقولك زي جابر القرموطي ما قالك لو إحنا خرفان فأنت معزة.. والله العظيم عمري ما هقولها.. ولكني هقولك: والله وكبرت يا عمر وطلعلك صوف.. لحد كدة وكفاية عليك".
وأوضح الحسيني أن الاستفتاء الذي أجراه على صفحة برنامجه الجديد على "فيس بوك" أثبت أن 98% من المصريين يرون أن الرئيس مرسي لا يلتزم بكلمته .
وأضاف الحسيني: "كنت عايز أقول للسادة المشاهدين أن إحنا كنا بنسأل يا ترى الريس بيرجع في كلمته ولا مبيرجعش؟ يا ترى كلمته بتنزل ولا مبتنزلش، فحضراتكوا حطيتوا على "فيس بوك" آرائكم.. ومعرفش مين اللي حط رأيه ومن أي تيار؟ .. ولكن لو دخلتوا على الصفحة وعديتوا بنفسكوا هتلاقوا إن حوالي 98% من المصريين بيقولوا إن كلمته "هتنزل المرة دي".
وأردف الحسيني بلهجة ذات مغزى: "عادة لما بتبدأ مشروع جديد بتدبح.. وأنا فكرت أن إحنا ندبح خروف.. ولكن كان تخوفي الحقيقي أن يتم اتهامي بقلب نظام الحكم.. أنا أسف جدًا مضطر مدبحش الخروف المرة دي" وذلك تعليقًا على أن هذه هى الحلقة الأولى من برنامجه الجديد".
مشاهدة الفيديو
http://www.youtube.com/watch?v=gtuQa_kyEz4