بالفيديو.. ماجد المصري: ضربت رامز في «قرش البحر».. وقلعته ال«تي شيرت»

قال الفنان ماجد المصري، إنه حل ضيفًا على برنامج «رامز قرش البحر»، المذاع على قناة «الحياة»، واعتدى على الفنان رامز جلال، وأجبره على قلع «التي شيرت»، مضيفا: «وقولتله لازم تقلع الشورت اللي لابسه».
وأضاف «المصري» في لقاء له مع برنامج «ليلة» على قناة «النهار»، الثلاثاء: «اتصل بيا صحفي، وقالي بنعمل برنامج عن كأس العالم في الغردقة، ومكنتش أعرف ايه البرنامج».
وأوضح: «أنا بحب البحر جدا، وليا في الغطس، وأثناء التصوير البنت اللي معايا وقعت مرتين وأنقذتها، والغواص مقدرش يأخدها مني».
وتابع: «البنت حسستني إنها مبتعرفش تعوم، وقعدت تكح وترجع، ولما سألت رامز قولتله البنت دي بتعرف تعوم قالي أه، رحت منزلها تحت في المياه».
وعن اعتداءه على رامز، قال: «أنا جريت وراء رامز، وقعدت أضرب فيه، وهو جري من اللنش، وقلعته التي شيرت، وقولتله لازم تقلع الشورت كمان».