بالفيديو.. توفيق عكاشة يرد على «أديب»: «هو هاجمني لأنه متوقع أني هبهدله»

رد توفيق عكاشة، مالك فضائية «الفراعين»، على هجوم الإعلامي عمرو أديب، عليه مساء الخميس، قائلًا: «أستاذ عمر قال إذا كان هو لسانه طويل فأنه برده كده، وهو قال كده لأنه متوقع أني هبهدله».
وتقدم «عكاشة»، بال«الشكر لأديب وطالبوا بالجلوس معه لنتعلم من بعض»، مضيفًا: «يا أستاذ عمرو أنت هاجمتني بشراسة، وأنا رجل سياسة ثم رجل إعلام، ولا أحد يتوقع رد فعل السياسي، وبشكرك تاني مرة على كلامك».
وكان «أديب»، رفض التصريحات التي صدرت عن الإعلامي، توفيق عكاشة، مالك فضائية «الفراعين»، والتي هدد فيها بغرامة 500 جنيه ضد كل من يتخلف عن الإدلاء بصوته فى الانتخابات الرئاسية، قائلًا: «عيب يا ابني كده، دي إهانة».
وتابع «أديب»، خلال برنامجه «القاهرة اليوم»، على قناة «اليوم»، مساء الأربعاء: «بيقولهم هييجوا ياخدوك من البيت من قفاك وهايبهدلوك، مين ده اللي يقرب لأي مصري؟.. ليه الإرهاب؟، المصري اللي عايز يروح، واللي مش عايز هو حر»، مُشيرًا إلى أن هذا القانون «غير دستوري».
وأضاف: «مفيش مصري رايح علشان ال500 جنيه يا باشا، ويبقى حد يقرب للمصريين وإحنا نصعدها للمحكمة الدستورية العليا».
واختتم مُحذرًا: «محدش يضحك على الناس ولا يفكر يستغل بعض الناس الطيبة، العصر دا انتهى، المصريين عارفين حقوقهم، فامحدش يخوف حد وأنا مابخافش من حد، لسانه طويل أو قصير، لساني طويل أنا كمان».