عمرو أديب لتوفيق عكاشة: مفيش مصري راح الانتخابات علشان ال500 جنيه يا باشا

_ عبر الإعلامي المصري، عمرو أديب، خلال برنامجه "القاهرة اليوم"، على قناة "اليوم"، مساء اليوم، الأربعاء، عن رفضه تهديد الإعلامي، توفيق عكاشة، مالك فضائية «الفراعين»، من يتخلف عن الإدلاء بصوته فى الانتخابات الرئاسية، بغرامة 500 جنيه، قائلًا: "عيب يابني كده، دي إهانة".
أديب قال: "بيقولهم هييجوا ياخدوك من البيت من قفاك وهايبهدلوك، مين ده اللي يقرب لأي مصري؟.. ليه الإرهاب؟، المصري اللي عايز يروح، واللي مش عايز هو حر، مفيش مصري رايح علشان ال500 جنيه يا باشا، ويبقى حد يقرب للمصريين وإحنا نصعدها للمحكمة الدستورية العليا"، مُشيرًا إلى أن هذا القانون غير دستوري.
واختتم كلامه، مُحذرًا: "محدش يضحك على الناس ولا يفكر يستغل بعض الناس الطيبة، العصر دا انتهى، المصريين عارفين حقوقهم، فامحدش يخوف حد وأنا مابخافش من حد، لسانه طويل أو قصير، لساني طويل أنا كمان".