السيسي: «المصريون استدعوني ولبيت النداء»

قال المشير عبدالفتاح السيسي، المرشح الرئاسي، إن «المصريين استدعوني ولبيت النداء، وتقدمت على أساس أن الوطن كان في خطر، والشعب استدعاني بموجب هذا الخطر، بغض النظر عن النتائج التي سيحسمها الصندوق».
وأضاف السيسي في الجزء الثاني من حواره لقنوات «الحياة والنهار ودريم»، مساء الاثنين: «البعض يحاول خلق حالة من التناحر بين ثورتي 25 يناير و30 يونيو، مين اللي عمل الحالة دي، ليه مش مصدقين إننا عملنا حاجة حلوة في المرتين، مين اللي عايز يخرجها من المضمون ده؟.. لازم تشتغلوا على دي، المصريون خرجوا في دي وفي دي».
وتابع: «إزاي الناس تتصور إن حد يقدر يجيب حد تاني غير المصريين مش عايزينه؟، أنا معنديش حملة، ولم أدخل ترشيح بكل ما تعنيه الكلمة، ولكني استدعيت لمهمة، لقيت المصريون بينادوا عليا لو كنت سمعتهم كويس، لبيت النداء، عايز أقول الأساس اللي تقدمت بيه الوطن في خطر وتم استدعائي بموجب هذا الخطر، بغض النظر عن النتائج، هيسحمها الصندوق».
وواصل: «لو بتحترم الديمقراطية بجد سيب الناس تختار، جزء من تجربتنا اللي حصل في 30 يونيو، والوعي اللي عند الشعب غير مسبوق، وشوف نتائج الانتخابات وشوفوا 26 يونية، فيه إدراك حقيقي للشعب إن فيه مخاطر حقيقية تقابله».