يا رغيف الحكومة

لو إنت أساسى ع الفطور             ومن غيرك ح أجوع شهور
وف رمضان وإنت السحور          مش ح أقف عليك ف الطابور
عندى غيرك جميل سليم              وربنا كمان بالسر عليم
إنت يادوب بوظة ف ماخور         يا رغيف الحكومة ياريت تغور
يا وزارة عارفة ومتأكدة               بعقود فساد متجددة
على ظلم الناس متعودة                يا فاقعة عينى ومتعمدة
ولو بإيديكى بقينا عور                 وعضمنا ملتيه كسور
من غير ما أسأل ولا حتى أشور      يا رغيف الحكومة يا ريت تغور
يا ريت تغور ولا ترجع تانى          إنت مين يا علف حيوانى
منين جيت لبنى الإنسان                وف معدتنا حجزت مكان
وكل فقير بات بيك مقهور              إنت مسيرك يوم ح تبور
من غير ما أسأل ولا حتى أشور       يا رغيف الحكومة يا ريت تغو ر
نبيل عبدالعزيز - القاهرة