مدرسة المشاغبين: زيارة إلى " السرايا الصفرا " (2)

زيارة إلى " السرايا الصفرا " (الجزء الثانى)
بقلم : حسن فاروق
توقفنا فى الجزء الأول من المقال عندما إنقسم نزلاء العنبر إلى ثلاثة فرق ، الفريق الأول مع الحكيم المخلوع " آسفين يا حكيم " والثانى " المجرمون " والثالث هو غالبية أهل المستشفى الطيبين المغلوبين على أمرهم .
هذا الوضع فى حد ذاته من أصعب المواقف التى مرت على العنبر بل والمستشفى طوال تاريخها بفعل تآمر الحكيم المخلوع وذو الطرطور ، حيث تعرض العنبر لخطر التقسيم بل وحرب العنابر ، فالإخوان المجرمين لهم أعوان خارج المستشفى ، كما أن أتباع " آسفين ياحكيم " يستميتون للرجوع إلى حكم العنبر وشفط موارده ، وظل الصراع دائرا بالعنبر إلى أن ظهر شاب من شبابه ، وأعلن عن تمرده على ما يحدث ، كان هذا الشاب يمتاز بالعطف والحديث المعسول ، فإستجمع من حوله غالبية نزلاء العنبر وإستنهض همتهم ، وطالب بطرد " المجرمون " منه ، وأنذرهم بإخلاء العنبر أو العيش فى سلام مع باقى النزلاء وأمهلهم 72 ساعة لتنفيذ ذلك المطلب حقنا للدماء ، فسخروا منه متوعدين بأنهم باقون فى العنبر خمسمائة عام ، وأبوا وإستكبروا ، فقام الشاب بتفصيل رداء محكم لتكتيف زعيمهم فهذا الزى مصمم بعناية وإتقان بحيث يدخل الشخص يداه فى أكمام طويلة تربط من الأمام فى بعضها البعض وتقفل من الخلف بأزرار حتى يتم شل حركته تماما والسيطرة عليه ثم إقتياده إلى غرفة " العزل " بالعنبر 30/6 لإتقاء شره ، هذا تماما ما فعله هذا الشاب بزعيم المجرمين ، فإعتصم أنصاره وأخذوا يحرقون ويدمرون ويقتلون ويعذبون نزلاء العنبر مرة أخرى مطالبين بالإفراج عن " المعزول " وسط صيحات هيستيرية منه " أنا السلطان والسلطان أنا " .
ويتسع كادر المشهد أكثر فأكثر لنرى ما لم يخطر ببال الجن الأزرق أو الأحمر على السواء .
ويظهر ولأول مرة شخص يرتدى " الطربوش العثمانلى " فهو لم يظهر فى المشهد حيث كان يتخفى ويتنكر طيلة الوقت ، فهو تارة فى زى المماليك وتارة أخرى بزى الفرنجة ، فكان يوهم نزلاء العنبر بأنه واحدا منهم يدافع عن مصالحهم ، وإذا به يساوم ويناور ويتفاوض مع المجرمين لإرتداء السلطانية بوازع من الشيطان الأكبر فى العالم كما وعده .
وأثناء تلك الأحداث يظهر مرة أخرى أنصار " آسفين يا حكيم " للإنقضاض على العنبر مرة أخرى والعودة مجددا بالسلطانية الموعودة ، فأوعزوا لصاحب الميكرفون .. أقصد المقصوصة بأن يخطب فى العنبر ويصيح بأعلى صوته أن من قاموا " بهوجة " العنبر 25/1 لم تكن إلا مجموعة من النزلاء الخونة ، وأن جماعة " أسفين ياحكيم " هى التى تمثل العنبر ، وشيئا فشىء ينجلى ذو المقصوصة ويزيد من الصياح والصراخ مطالبا محاكمتهم بل وزاد المطالب بعودة نظام الحكيم المخلوع لحكم العنبر.
وظل الصراع قائما وأثناء هذة الظيطة والظمبليطة يستغل أعوان المجرمون الموقف ويتجمعون فى صحن العنبر ويحاولون الإنقلاب وإحداث هرج ومرج مرة أخرى بتحريض من " ذو الطربوش العثمانلى " وبأموال كيان إسمه " خطر " اللتان فتحتا دكانا لكل من يحمل مقصوصة يستعملها كميكروفون ، وهكذا أصبح كل من هب ودب يستخدم المقصوصة للتحريض على العنبر والقتل والدمار إنحيازا لهذة الفئة أو تلك الجماعة طمعا فى عودة السلطانية .
وبينما أنا أتابع هذا الموقف الدرامى تملأؤنى الحيرة حزينا لا أعرف كيف سيكون حال العنبر ..
فجأة عاد الشيخ الجليل الوقور ( الشيخ الجبرتى ) بلحيته البيضاء وعباءته الفضفاضة والنور يملأ وجهه والسكينة تسكن نفسه مصطحبا معه الشاب المتمرد ، فإطمئنت نفسى ، وذهبت متلهفا لأعرف رأيه فيما يحدث ، فالضباب يملأ المكان ، والأحداث تشبه الكوابيس عند المنام ، وسألته : يا مولانا كيف ترى الحال ؟ وإلى أين تأخذنا الأحداث فى العنبر ؟ وما رأيك فى السلطة الحالية ؟ ، فنظر إلى وإبتسم وأخرج من عباءته زوجا من الصاجات النحاسية وأخذ يرقص ويرن الصاجات بينما أخرج الشاب طبلة لست أدرى من أين أتى بها وأخذ الشيخ يقول بحدة " مين ؟ السلطة ؟ معهلش ياإبنى هى السلطة جت فيك أصلها السلطة عندها شعرة ساعة تروح .. وساعة تيجى .. هااااااااا ساعة تروح وساعة تيجى " وتركنى فى حالة ذهول مما رأيت !! غير مصدقا أنه هو نفسه الشيخ الجليل الذى وثقت فى حكمته ورجاحة عقله وسلمته أمرى ( الشيخ الجليل طلع نزيل من نزلاء العنبر ، لا حول ولا قوة إلا بالله ) وأخذ يبتعد عنى رويدا رويدا حتى تلاشى وإختفى ومعه الشاب وهو يطبل للشيخ ، وتركانى مصدوما على وشك الجنون لا أعرف ماذا سأبلغ صديقى ال مهاجر خارج مصر عن أحوال قريبه داخل المستشفى ... إنها حقا " السرايا الصفرا " .
إنتهت
فزورة
يا ترى مين سرق مصر اكتر اابن زوزو الواد جمال ولا الطبال ؟؟
كلام في العضم
اخبار الحد الادني للاجور ايه صحيح .. نفسي اعرف هل طبق علي كل مؤسسات الدولة دا سؤال بس لاسمح الله .
بخ
وزير الكهرباء الحقيقة انت منور ياعمنا وحياة الغاليين عندك اعمل شريحة للبهوات بتوع القصور .
خبر اونطة
الدكتورة ناهد العشرى وزيرة القوى العاملة اقرت العلاوة الاجتماعية للعاملين في القطاع الخاص دون موافقة اتحاد الصناعات واتحاد الغرف التجارية ..... اذن من سيطبق هذه العلاوه على العمال
يا دولة رئيس الوزراء.. نرجوك التدخل لتوقيع وثيقة بين العمال وممثلى رجال الاعمال تجبرهم على إقرار العلاوة في مواعيدها دون مماطلة.
ميكروباص داعش بيروح عبود !!
داعش نزلوا عشان يحتلوا مصر :
راكبين عربية نص نقل وميكروباصين فيها ورافعين اعلامهم الخاص بيهم...
اتزنقو على الدائرى..
الريس بتاعهم بص لقى واحدة شايلة قفة على دماغها بتقوله والنبى يا ابنى خدنى معاك عبود..
الداعشى: بس يا ولية انتى مش عارفة احنا مين احنا جايين نحتل مصر
الست: طب ماشى وماله خدنى معك عبود ياخويا ينوبك ثواب
الداعشى: باقولك جايين نحتل مصر انتى مابتفهميش
الست: ياموكوس ماهو انت لازم تروح عبود اومال ها تحتل المحافظات التانية ازاى؟؟
الداعشى: بس ياولية غورى من هنا
الست : ضربة فى فخادك يابعيد وغارة تاخدك
وراح الموبايل بتاع الداعشى رن
الو.. ايوة يا شيخ بغدادى يا امير المسلمين... لأ لسة احنا مزنوقين ع الدائرى زحمة قوى
البغدادى: دائرى ايه وزحمة ايه يابغل قولهم ان انتم داعش
الداعشى: ما انا قلت لهم لقيت واحدة بتقولى خدنى معاك موقف عبود
البغدادى : خوفهم اضرب كام قنبلة على كام رصاصة
الداعشى: والله عملنا كده فى اول الدائرى الناس وقفت تتفرج على القنابل
البغدادى: يخرب بيتك ألو الو
الداعشى: الحق ده المصريين جايين يتصورو معانا سيلفى
البغدادى : ايه التهريج ده
الداعشى: استنى يا امير المسلمين الدواعش اللى معايا فى العربية نزلو كلهم
البغدادى: نزلوا راحو افى انهى نصيبة
الداعشى: لقو المصريين ملمومين حوالين عربية كبدة نزلو ياكلو معاهم
البغدادى: يخرب بيوتكم والله لهاقتلكم كلكم
الداعشى: ياعم هو انت مش ها تتشطر الا علينا...
وادى الدقن!!!. وأدى العمة.. ..!!!.. يالا ياحاجة..
عبود... عبود.. عبود.. عبود
نكت فيس بوك
تزوج جحا وبعد ثلاثة أشهر أخبرته زوجته أنها ستلد و طلبت منه أن يحضر لها الدايه
فقال لها : نحن نعرف أن النساء يلدن بعد تسعة أشهر ، فما هذا ؟
فغضبت منه و قالت : إن أمرك لعجيب ، كم مضي علي زواجنا ، ألم يمضي ثلاثة أشهر
قال : نعم
فقالت : و قد مضي عليك متزوجاً بي ثلاثة أشهر ، فصاروا ستة ، أليس كذلك ؟
فقال : نعم
فقالت : و قد مضي علي الجنين في بطني ثلاثة أشهر ، فهذه تتمه التسعة
ففكر جحا قليلاً وقال : الحق معك فأنا لم أفقه هذا الحساب الدقيق فعفواً عني لقد أخطأت في حقك
حملة دبس اخوك و لبسه فالرادار
.......................................
يا ريت نبطل ندي نور عالي للعربيات الجاية في الاتجاه المعاكس لتنبيههم ان في لجنة او رادار في طريقهم
انا كده بشجعه انه يتجاوز السرعة و فالاخر بتحصل الكوارث ،
انما لما يدفع مخالفة تجاوز السرعة مرة و اتنين و تلاتة هيبطل يمشي بسرعة و بالتالي نحافظ علي حياته و حياتن• واحد حب يتعلم الطيران اشترى كتاب كيف تكون طيارا فراح خطف طيارة وقام يطبق الخطوات فى الجو فى اخر صفحه مكتوب للهبوط انتظر الطبعة القادمة .
• * دكتور عايز يكشف على ثلاثة مجانين اخذهم على حمام سباحة مفيهوش مية وقال لهم اسبحوا وراحوا دخلوا حمام السباحة الا واحد قال الدكتور اكيد ده عاقل و سأله ليه مش بتعوم معاهم قال لا انا المنقذ .
• * واحد رفع قضية وقعت عليه .
• * دكتور عيون محشش شاف اشارة المرور حمراء نزل يحطلها لها قطره .
• * في سمكتين طاحتا في شبكة صياد قالت وحدة للثانية رحنا تونا .
• * واحد حلاق اشتري بطيخة طلعت قرعة
• * سواق تاكسى متزوج اتنين ليه ؟ التانية احتياط .
• * مرة واحد جاب كوتش عربيه فلقاه نايم صعب عليه يصحييه .
• * رقاصة راحت لدكتور معدة قالها عندك فرح فى المعدة .
• * مرة واحد جزمجى مات بالجزمه القلبيه وعملولو نعل فى الجرنال راحو يعملولو الاربعين طلع ضيق عليه عملولو واحد واربعين .
• * لاعب كرة قدم اتزوج لاعبة كرة قدم جابوا طفل سموه جول راحوا يسجلوه طلع تسلل .
• * مرة واحد حرامى سرق كرسى من القهوة وطلع يجرى صاحب القهوة شافه طلع يجرى وراه الحرامى اتزنق فقعد فى نص الشارع وقال للقهوجى هاتلى واحد شاااااااي .
حسن سبانخ
مهم جدا إننا نتفرج على فيلم "زعيم الحياة الطبيعية - حسن صبانخ" ونشوف ازاي استغل قضية "مراكز القوى" على شان يبرأ تاجر المخدرات "حسين الشربيني".. بالظبط دا اللي بيحصل النهارده كل قاتل حرامي بيعمل أي حاجة وسخة بيدخل الإخوان فيها.. ودا طبعا نتاج إسهال الأحكام اللي طالعة ضدهم ومرافعات النيابة اللي بقت تتكلم بلسان مرتضى منصور وأحمد موسى.. وطبعا على حسهم ييجي بلطجية مذبحة بورسعيد يقولو إن مرسي اللي دافعلهم فلوس على شان ينفذوا المذبحة، رغم إن مرسي في نظر أعدائه مجرد رجل تافه جوا الإخوان.. ازاي بقه كان بيتصرف في حاجة زي دي وهو كان لسه لا راح ولا جه ولا بقه رئيس وقت الأحداث.. الحاجة التانية ماقالوش دا من زمان ليه.. اشمعنى النهارده.. مرسي متشال بقاله أكتر من سنة.. لكن نقول إيه " حسن صبانخ" أصبح سيد الموقف .
هم يضحك .. وهم يبكى !!!
بقلم : محمد طرابيه
• عندما يتم الحكم بعرض فيلم هيفاء وهبى (حلاوة روح ) بكامل مشاهده الساخنة ..وتستمر ظاهرة (العناتلة ) فى الغربية ..وتخصص معظم فقرات برامج التوك شو لإستضافة الشواذ والحديث عن (العادة السرية والعلاقات الجنسية وزنا المحارم ) .. فإن كل هذا يبعث برسالة للخارج وهى أن مصر تحولت للأسف إلى (مليطة ) !!! .
• عندما يتم تخفيض الغرامة الموقعة على إمبراطور الحديد أحمد عز من 100 مليون جنيه إلى 10 ملايين جنيه ويتم سدادها بالتقسيط , فى الوقت الذى نجد فيه الحكومة تخير المواطن البسيط الذى يحاول الشكوى من فاتورة الكهرباء ما بين الدفع أو الحبس أو (القطع !! ) – الكهرباء محدش يفهمنى غلط – يبقى انت أكيد أكيد فى مصر ؟!!
• أحلى حاجة فى خبر وفاة الشحرورة الجميلة صباح - رسميا - أننا لن نقرأ أخبار جديدة عن شائعات وفاتها التى تخطت الأرقام القياسية لشائعات وفاة المخلوع مبارك ؟!!
• الحكومة من كتر انشغالها بإصدار قوانين لمكافحة الفساد تركت الفساد نفسه يتوغل وينتشر بدرجة اكبر مما كانت عليه فى عهد المخلووع مبارك .
• عندما ترى العواجيز والراقصات والقوادون و (القبيضة ) يتصدرون المشهد العام .. يبقى أنت اكيد .. أكيد فى مصر

• خبر عاجل : مع قرب إجراء انتخابات مجلس الشعب وفى محاولة لحشد الأغلبية من المصريين الذين يعانى معظمهم من الضعف الجنسى للتصويت له .. قرر حزب النور استغلال حالة الجدل الجماهيرى حول السيديهات الجديدة ل (عناتيله ) وأعضائه عن طريق توزيع نسخ مجانية من الفيديوهات ومعها نوع جديد من المنشطات يطلق عليها إسم (العنتيل ) فى كل الدوائر الإنتخابية , وسيكون شعارالحزب (خد حباية من العنتيل تخليك زى الفيل ) . تأتى هذه الخطوة متماشية مع الشعار الجديد للحزب وهو (الإنتخابات تجيز المحظورات ) .
• الإرتفاع الجنونى لأسعار شقق محدودى الدخل وأيضاً المقابر يؤكد أن المواطن المصرى كان وما يزال مظلوما حيا وميتاً !!!!
• رأى شخصى : ابراهيم محلب رئيس الحكومة يعمل بمجهود مقاتل وعقلية رئيس حى !!!!
• إعتراف احمد هاااااااااااااااااااااخ الشهير بأحمد موسى بثورة 25 يناير خوفا من ملاحقته قضائيا بعد صدور قانون تجريم سب الثورات يؤكد أنه يتبع نفس الأسلوب (الأمنجى ) الذى يجبر المتهم على الإعتراف من أول (قفا ) !!!!!!!!!!!
• إسماعيل سراج الدين مدير مكتبة الاسكندرية والذى أجلت محكمة جنح اسكندرية محاكمته اليوم اى جلسة ال 29 من ديسمبر الجاري
• لإهداره المال العام بقيامه بتعيين مستشارين بمرتبات كبيرة تصل إلى عشرات الآلاف من الجنيهات في الشهر، تم تعيينه مؤخرا مستئاراً لرئيس الوزراء ابراهيم محلب ..واللواء أحمد أنيس المتهم حتى الآن مع أنس الفقى وزير الإعلام السابق فى قضايا هدايا نظام مبارك تم تعيينه رئيساً لشركة النايل سات ..واللواء حمدى منير رئيس قطاع الهندسة الإذاعية السابق والمحال للمحاكمة الجنائية فى تهمة التلاعب بصفقة قيمتها 12 . 7 مليون جنيه تم تعيينه عضوا بمجلس ادارة النايل سات ومستشارا لرئيس مدينة الإنتاج الإعلامى ..فعلا بلد يتموت فى (السوابق ) !!!!
• السيسى : الشعب الذى قام بثورة في 25 يناير وأكملها في 30 يونيو قادر أن يقوم بثورة ثالثة. والتعليق : الحمد لله انك عارف كده كويس وما تستعجلش على رزقك
• الخبر : دفاع رجل الأعمال أحمدعز يتقدم بطلب استرداد 45مليون جنيه من الدولة . والتعليق : آه يابلللللللللللللللللللد ..اللى ناقص أنه يطلب من الشعب يقول له : احنا أىسفين ياعز ..بلد ماشية بالمقلوب .
ياخرابي ياماما .. جوزي طلع شيوعي !!
سيد الخمار
كان زميلي سكرتير التحرير في الجريدة الله يسامحه يطلبني علي تلفوني الصيني ابو سماعة بايظة
هاتفا بصوتة الجهوري فين المقال ياخمار ياشيوعي ؟ طبعا صوت زميلي رئيس سكرتير التحرير طالع من السماعة كما لو ينادي علي متهم بسرقة جزم المصليين في الجامع .. في تلك اللحظة العصيبة المهببة كانت حرمنا المصون تكلم امها علي التليفون الارضي ابو سماعة سليمة وقطعا سمعت كلام زميلي ؟ وقالت ايوه ياماما استني معايا ياخرابي دا جوزي طلع شيوعي !! طبعا زميلي سكرتير التحرير قفل السكة وسبني بغني ظلموه ؟ وانا بصرخ الووو الوووو ؟
بصيت لقيت مراتي بتقولي هوه انت شيوعي ؟ قلت لا والله مش شيوعي أنا ناصري .. يعني مش مسلم مثلا ولا ايه ؟
لا ياستي ورحمة ابويا الخمار الكبير انا مسلم .. مش بتشوفيني بصوم واصلي الجمعة .. قالت صحيح بس بعد ما بتغلبني وانا بصحيك من النوم .
علي التليفون الأرضي حماتي سامعة المكالمة كلها وانا معرفش اني وقعت في الفخ .. يعني أنت بتحب النبي ولا عبد الناصر ؟ قلت طبعا بحب النبي علية الصلاة والسلام ؟ بس كما ن بحترم جمال عبد الناصر ؟
وفي تلك اللحظة كانت صنية البطاطس في فرن البوتجاز ابو قسط 158جنية – شاطتت ومراتي جريت مفزوعة بتقول ياخرابي ياماما دا كمان جوزي طلع ناصري ؟ وانا سلفية زي ما نتي عارفة اعمل ايه دلوقتي ؟
أنا رديت قلت الحقي صنية البطاطس وبعدين نشوف حكاية السياسية دي ؟
العيال جعانين.. قالت مراتي الصبر مفتاح الفرج.. واذا بالدخان يخرج من المطبخ هبب الشقة ومراتي قعدت تكح كح كح وأنا والعيال عنينا تدمع ونعيط ؟
لقيت مراتي بتعيط ؟ قلت معلش قومي هاتي الجبنة نأكل بلاها بطاطس ؟
قالت أنا بعيط علي بختي بعد العمر دا دة تطلع شيوعي؟
قلت يا ستي مش شيوعي ناصري ناصري
قالت كمان كمان لازم تتوب ولازم أسال الشيخ ياسر برهامي هل يجوز اتجوز واحد – شيوعي – وبعدين نشوف
اخوكم قعد في أوضة المكتب لقيت سكرتير التحرير بيتصل تاني قفلت السكة وقلت في بالي اه يا امه .. كانت مكالمه مهببة حتخرب بيتي , ثم مين ياسر برهامي ده كمان ؟
صرخت مراتي وكمان مش عارف برهامي ؟
طيب أنا رايحة لماما في شبرا ؟
وبعدين احكي لكم بقية الحكاية ؟؟
..
..
..
..
..
..
..
..
..