نشطاء : هذا مصير داعش فى مصر

تداول العديد من النشطاء على مواقع التواصل, تصورًا ساخرًا عن مصير «داعش» داخل مصر, مشيرين أنه فى حالة ما إذا فكرت داعش فى اقتحام مصر سيواجهم الآتى:
داعش نزلوا عشان يحتلوا مصر..
راكبين عربية نص نقل ومكربسين فيها ورافعين أعلامهم الخاصة بيهم...
اتزنقوا على الدائرى..
الريس بتاعهم بص لقى واحدة شايلة قفة على دماغها بتقوله والنبى يا ابنى خدنى معاك عبود..
الداعشى: بس يا ولية أنتى مش عارفة إحنا مين إحنا جايين نحتل مصر
الست: طب ماشى وماله خدنى معك عبود ياخويا ينوبك ثواب
الداعشى: باقولك جايين نحتل مصر انتى مابتفهميش
الست: ياموكوس ماهو انت لازم تروح عبود اومال ها تحتل المحافظات التانية ازاى؟؟
الداعشى: بس ياولية غورى من هنا
الست : ضربة فى فخادك يا بعيد وغارة تاخدك
وراح الموبايل بتاع الداعشى رن
الو.. أيوه يا شيخ بغدادى يا أمير المسلمين... لأ لسة إحنا مزنوقين ع الدائرى زحمة قوى
البغدادى: دائرى إيه وزحمة إيه يا بغل قولهم إن أنتم داعش
الداعشى: ما أنا قلت لهم لقيت واحدة بتقولى خدنى معاك موقف عبود
البغدادى : خوفهم أضرب كام قنبلة على كام رصاصة
الداعشى: والله عملنا كده فى أول الدائرى الناس وقفت تتفرج على القنابل
البغدادى: يخرب بيتك ألو الو
الداعشى: الحق ده المصريين جايين يتصورومعانا سيلفى
البغدادى : إيه التهريج ده
الداعشى: استنى يا أمير المسلمين الدواعش اللى معايا فى العربية نزلوا كلهم
البغدادى: نزلوا راحوا فى أنهى نصيبة
الداعشى: لقو المصريين ملمومين حوالين عربية كبدة نزلوا ياكلوا معاهم
البغدادى: يخرب بيوتكم والله لهاقتلكم كلكم
الداعشى: ياعم هو أنت مش ها تتشطر إلا علينا...
وادى الدقن!!!. وأدى العمة.. ..!!!.. يالا ياحاجة..عبود... عبود ... عبووووووود